Ińaḱ Dukh lạgit́ Bicạr

Aṭet́re Vimla do sidhạtey durupena, uniaḱ ontor do dhuk-dhukoḱ kan tae tahẽkana. Eṭaḱaḱ bạṛić kukmu! Dinạm lekage, ona botoranaḱ koe kukmuyeḱ kan tahẽkana - mit́ hoṛ okoe do uni saõte bạṛiće kạmilet́ tinre unido eken 12 serma umạr rene tahẽkana.

Vimla ona din do bae hiṛiń daṛeyaḱ kan tahena. Uni lajao ar hirkạe aṭkaret́ kan tahẽkana ar ona hamal dukh do okoe ṭhen hõ bae lạe sodor daṛẽak’ kan tahẽkana. Vimla do maraṅ College calaoena, menkhan ona bạṛić kukmu do jaogeye pańjayede kan tahẽkana. Uni do uni hoṛe ạṛisae kan tahẽkana are asok’kan tahẽkana uni do onareaḱ kuṛạye ńama okado lekh kan.

Muskilak’ Kukliko

Vimlawaḱ mon do kukli kote botoroḱ kan tahẽkana. Cet́ uni lạṭghạghạṭić do Karma hotete bicạr hoyoḱ taya? Aćaḱ nagraha re uni hoṛ do mit́ṭen dhoroman hoṛ kan ko baḍaea. Uni do aema monj kạmiko hoṛko lạgit́eye kạmileda, upạset́kan tahẽkanae, ar isorko ṭhen maraṅ bhoktie uduḱ akana. Cet́ mit́ṭen bạṛić kạmi uniyaḱ aema bhage kamiko dusạo koḱ taya? Uni do bae baḍaea Karma do cet́ lekae kạmikeda mente, menkhan uniye baḍae akado uniaḱ bạṛić kạmido judạgea uni lạgit́. Vimla do uniyak’ dukh bae hiṛiń daṛeyaḱ kana. 

Bicạr Sendrai

Vimla ren mit́ṭeṅ gate, Saira, mit́ṭen sansthareye kạmikana okaredo maejuko jạruṛ re goṛoako kana. Mit́din, Saira ona officere dela wadea okare do ṛanḍi-dukhi maejiuko ar lạt́ghạṭ akanko ko goṛowako kan. Vimla doe hadosena are hudiskeda jahãeko ona bạṛić huiakanaḱ ko baḍae tanećja. Menkhan Saira nonka moje bujhạokedea Vimla do calaḱe rạjiyena. Tinrekin calaowena, Sairae lạeadeya thoḍa din laha aema onkan dukh akanko ko heć lena.

“Nonka amem baḍaekoa okoedo guruko hote ko siḍog ocoakan?” Vimla lajaoateye kulikedea.

“Hẽ, okajokheć”, Sairae roṛ ruạṛ keda. “Noa do ạḍi dukh gea. Nonka do baṅ kana jahaẽ dhorome lạyạḱkan do ISOR saõte joṛao menaya mente.”

“Ona do sạri kan gea. . .”

“Ińren guru, Maraṅ guruye menakada aboak’ dinkore do dhorom duniyạ do ạḍige bạṛijoḱa. Abo do noa bạṛić dhorom khon do oḍogoḱ hoyoḱ tabona ar Sisirjạwić ISOR saõte joṛao tahẽn hoyoḱ tabona. Uni do abo sapha moneye emabona ar aboaḱ bạḍić kạmi koe ikạ katabona. Khan abo hõ onko saõtebon hoyok’a okoe kodo ISOR ko ńelea mit́ṭen nawã khạṭi dhạrtiye benao aroa okaredo bạṛić hoṛ ar bako tahẽna.”

“Ona do ạḍi napae ańjomena. Okoe kanae amren guru do?”

“Iń do PROBHU JISU MẠSIŃ pańjayede kana. Uni do ạḍi soros cecet́iće tahẽkana, menkhan ISORREN hopone tahẽkana. Cet́ am Uni babotrem baḍaea?”

“Paseć bazar kore Uniyaḱ phoṭokoń ńel akat́ taya, menkhan iń do Uni babot́re bạṛti bạń baḍaya. Ar cet́ko uni doe lạe akada?”

Ona bas gạḍi do aṛe sec’e ạgukeda. “Delalaṅ dejoḱa”, Sairae menkeda, “ado arhõń lạiama.”

Atmik’ Phạsiạra

Vimla ar Saira ona bas gạḍi rekin dećena ar sãote duṛuṕ jaega kin ńam keda.

“Dhorom phạsiạra reaḱ bạṛić jharkao babotre aemage JISU doe lạe akada”, Sairae menkeda. Uni do PROBHU JISU waḱ mit́ṭen huḍiń puthi aćaḱ thạilạḱ khone oḍok kateye oṭaḱ keda. “Ńelme nonḍe cet́e meneda”, unie uduḱadea. Vimlae paṛhawkeda.

Hae, ape sostor baḍaeko ar Phạrisiko, phạsiạ-rako do ente rạnḍi maejiukoaḱ oṛaḱ duạrkope jom ujạṛeda, ar hoṛ koṭhen ńel ocok’leka jeleń jeleńpe koejoṅa. Onate ape do bạṛti sạjạioḱ hukumpe ńama (Baibel, Mathae 23:14).

“Sostor baḍaeko ar Phạrisiko doko okoe kana?” Uniye kulikedea.

“PROBHU JISU oktere onko do mit́ṭen guru lekan ko tahẽkana”, Sairae lại bujhạoadea, “menkhan onko do ạḍi bạṛićko tahẽkana.” Vimla bohoḱe ḍubuḱ keda are paṛhao idikeda.

Hae, ape sostor baḍaeko ar Phạrisiko, phạsiạrako do, ente bạṭi ar thạri reaḱ bahretet́ dope saphayeda, menkhan bhitritet́ do luluṭ ar bin sambṛaote pereć akana. E kãṛã Phạrisi, bạṭi reaḱ bhitritet́ sapha lahaeme, jemon ona reaḱ bahretet́ hõ saphaḱ (Mathae 23:25-26).

Jaejuk Reaḱ Bicạr

“Sisirjạwić ISORE menakada sontorakan tahẽn jạruṛ tabona enteḱ tihiń hõ abo talare onkan phạsiạrako do menaḱ kogea”, Sairae roṛ keda. “PROBHU JISU WAḰ puthie lạiabon kana abowaḱ dinkore noa dhạrti ar dhorom kạmiko do ạḍi bạṛijoḱa. Menkhan ISOR do tinre dhạrtie benao aroya bạṛić kạḱmikoe bicạr koa.”

“Uni cet́ leka nahaḱe bicạr koaem hudiseda?” Vimla doe roṛ ruaṛ keda. 

“PROBHU JISU waḱ puthie meneda ISOR do jotokoaḱ bhage ar bạṛić kạmikoe ol dohoyeda”, Sairae lại bujhạoadea. “Jug mucạdoḱre, PROBHU JISU MẠSI do rimil koteye hijuḱa. Joto kogeko ńelea. Ona puthire olakan leka mimit́koe bicạr bona.” 

Vimlae hudisana. “Menkhan abo bạṛićbon kạmiakat́ ko do cet́ huikoḱ tabona?” uniye kuklikeda.

Sairae landa keda, pheḍoḱ jaega kin tiyok’ked khan bus khonkin aṛgoyena. “Onage asol hisạ do. UNI PROBHU JISU MẠSI kại reak’ daṛẽ menteye goć ena are jiwet́ beret́ ena. UNIE kiriạ akada aboaḱ kại kobon aṅgoc lekhan ar UNI rebon pạt́yạolen khan, UNIAḰ monj kạmi aćaḱ jiwiye dãṛẽ akat́ do ạḍi daṛean gea okatedo aboaḱ bạṛić kạmiko ona puthi khone meṭao tabona.” 

 Ona Monj Uttạr Bicạr Soṅbat

Unkin do ona jaegakin seṭerena okaredo jạruṛoḱ kan maejiuko goṛowako kana. Vimla do bahrere nacar rạnḍi maejukoe nẽlket’koa dinạm jomaḱ lạgit́e tạṅgi akat́. Uni mit́ṭaṅ monj somajren maeju usạrate boloḱe ńel kedea, ona hende casmate hende met́kine uku legayet́ tahẽkana. Vimlawaḱ mone do dayate roḍoćen taya. Uni eskar moto maejue do baṅ okoedoe dukh ocoakana!

Sairae kuli macha kedea. “Monjgeam se?”

“Hẽ, monjgeań”, Vimlae roṛ ruạṛ keda. “Menkhan iń doń hudiseda PROBHU JISU usạrae hijuk’ma aboren bicạric’ huyuk’ lạgit’. Judi noa sạriyak’ kana je UNI do bạṛić hoṛkoe marao koa ar monj hoṛkodo mit́ṭen monj jaegate jaejuk lạgit́e idikoa, iń do nonkanaḱ bicạr ge soros utạraḱ doń anjomakada!”

PROBHU JISU MẠSIYAḰ puthi babot́re bạṛti baḍae sanayet́me khan, dayakateḱ noa kagoj tayomsec’ re menaḱ number kotem galmaraw daṛeyaḱa.