Ngakpinaba Thijaba

Pratap asi inaak khunba louyamchaba amagi macha oirammi. Makhoi achouba yum amada leirammi amadi makhoigi minaisu yamna leirammi. Pratap asi matam pumbada khwaidagi henna phaba phirol, chinjak, amadi mahei masing phanglammi - mahakki mama mapana mahakpu yamna nungshijarammi, maru oina mahakki mapana mahakbu nungshi haibasi mahakna khangjammi.

Adubu Pratapna chaoraklabada, mahak ahongba meeoi oirakkhi. Mamangeigi punsi singduda mahak apamba leiraktre. Mapagi yum amadi Mapagi lambi sing adu houjikti mahakpu athingba piba oina phaorak lammi. Pratapna maningmakha touba pamlakkhi. 

Nongma, mahakki mapada yamna maru oiba wapham ama nijanaba chatpi-u haina mamada haijakhi. Mahakna mahakki apambadu mamada hairaba matamda, mamadu aki tujungba yaona waphamdu haidanaba leithokkhi. Adubu mamaduna yadriphaoba mahakna kanna takshillammi. Madu numit kayani changkhi, adubu mameithangda mamadu kaptuna hallakkhi. 

“Napabungna toubigani,” mamaduna haikhi, machanupaduda yengbaphao ngamdana. “Mahakna eikhoigi leijaba pumnamakki tangkhai ado yonthoklaga nanggi phangpham thokpado pigani. Adubu karigino, ichanupa? Karigino?”

Pratap khanghoudana ningamdaba khara thamoida phaokhi, adubu waphamduda mahak nungaijaba adusu phaokhi. Mahakki apambadu thabak oina uthoklakle. Mahakna mahakki sharuk ado Mapagi lanthum adudagi phanglani adu oirabadi mahakna pamjaba punsi duda mahak hingba yarani.

Houna Lonchat Khangdaba Punsi

Pratap achouba saharda chatkhre. Mahakna yamna tangba yum ama shaanduna lourammi aduga anouba marup kaya loinaba houkhre. Atenba matamgi manungda mahakna party kaya shinduna inaak khunba amadi maming chatpa kayabu chingsinkhi. Mahaak anouba car leire, mashak matou phajabi nupishingga yarek minnare, aduga mamal taangba restaurant kayada chak chare. Mahakna pamjaramba khudingmak mangonda leire.

Adubu nongmadi, Pratap ki peisa loisinlakkhi. Ikairabasu, mahakki anouba marupshingduda peisa khara pujanaba mahakna haijakhi, adubu khanghoudana mahaaki call shingda makhoina paokhum pirakkhidre. Mahakna mahakki shendon shingdu shingdokpa ngamlamde. Ikon konbada, yumbuduna mahakpu taanthokrakhre. Peisa leitana amadi marup yaodana, mahaak kadaida chatkani?

Pratap wakhal chamamnaba amadi khoirang khoishaonaba wakhalga loinana saharduda areppa maikei leitana koichat chatkhi. Numit taba houraklaba matamda, mahak akiba phaorakkhi. Mahaak kadaida tumgani? Mahak kari chaagani? Mahakki punsida ahaanba oina, Pratapna lambi sorokta tumkhi, chak lambana mahakki puk khonglakkhi.

Ningamdaba Mayoknaduna

Numit kharanigi, Pratap na saharduda thabak phangnaba hotnakhi. Lambi sorokta tumbaduna mahaakki shaktam athiba oikhi, aduna mee kananasu mahaakki thabak pibiraroi khara shothaba chaak-chaaphamgi mapu nattana. Pratap na thabak adu pungshing amadagi amada leptana shurammi, Chak chariba misingda chak thinba amadi table singdu shengdoktuna. Mahak chaak yamna laamlamkhi amadi wakhirammi. Mahaak ngaklammi, karamna mangonda masi oithokpano, inaak khunba imunggi macha nupa mahakna, karamna chak yenba oiribano! Chak-chapham duda akonba chak chaba miduna chatkhraba tungda, mahak chakkum da changlaga pukham tengot chaamba mateng pangkhi. Mahaakna phatta-houdi hundokphamda pukham amada tangkhaikhak charaga lemlamba tan ukhi. Mahak chak yamna laambaduna tan adu louramdouba khittang ngairammi.

Karino eina touribase? mahak matomtabu cheirammi. Eigi ipagi yumda minaising naphao chaba konnanaba tan lei, ahenba konnagi phaoba lei. Aduga eina asida, amotpa lukhak sina eibu mihouhanduna leiba!

Pukham tengot marol peikhatpa aduda mana mitpham hongdana yenglaga matam kuina mahakna wakhal khankhi.

Eina kari tougadouribano haina eina khang-e, mahakna khankhi. Eina epada hanna chatlaga mangonda haigani, “Ipa, nangi mayokta amadi Ishwargi mayokta ei paap toukhre. Ei nahaakki nacha oibagi matik chadre. Chaanbiduna eibu nahakki anekpa minai amagumna lousinbiyu.”

Pukham amattasu chaamdana, Pratap Chak-chapham adu thadoklamlaga mahakki mayumda chatpa hourammi.

Mayumda Hallaklammi

Pratapna mayumda chatli ngeiduda mahakna hiram kayagi maramda khallaga leirammi. Mahakpu uba matamda mahakki mapana karam tourakkani? Mahaakna yum yourak laba matamda mahaakna kari haigadoubano haibadu mahaakna hanna-hanna haiduna hotnarammi, adubu maduna mabu pelhanba amatta leiramde. Mameithangda, kuiraba khongchat amagi tungda, mahakna mahakki mapagi yum adu arappadagi uba phangjakhi. Mahaak tapna lambi aduda chatkhat lakkhi.

Khanghoudana, kanna laoba makhon ama mahakna taakhi. Mahaakki mapa, mahoushana ing-tappa amadi ikai khumnaningai oirammi, yumdudagi chenthoklak lammi. Mahaakna Pratap tamna changlak laga chetna konsinbikhi. Pratap mahaakki thamoi kaigadoubagum phaokhi.

“Pabung,” arumba khonjelda mahaakna haikhi, “nahaakki mayokta amadi Ishwargi mayokta ei paap toukhre. Ei nahakki nacha nupa amuk oibagi matik chadre...”

Mapaduna machadugi waphamshingdo shukta tadabagi maongda utkhi. Mahaakki mamaida pirangshing shintharakkhi. Yumgi minaishing duna charangnaba adu taduna makhoi chellak lammi.

“Yaamna thuna!” Mapaduna makhoida yathang pirammi. “Mahaakki ka shemmu! Mahaakki anouba phirol thourang tou! Achouba chaklen ama shillu, maramdi eikhoi haraao nungaiba thoudok ama pangthokkadouri! Masi eigi icha nupani - mahaak sikhrabani aduga amuk hingle; mahaak maangkhrabani aduga houjikti amuk phangle!”

Ngakpinaba Thijaba

Masigi warisi karamna eikhoina Leisemba Mapudagi kokpiba adu phangani haibagi maramda Ipuroi Jisu Khristana pandam oina haibikhiba aduda yumpham oibani. Eikhoina punsida ashoiba touraba matamda - yamna chaoba oirabasu - eikhoina Taibang Mapuda hallakpa yai Pratap na mapada hallakkhiba adugumna. Eikhoina yamna aruba laining laisholgi thouram nattraga iraat thouni tounaba karisu leite. Ishwarna khut tingthoktuna eikhoibu ngaiduna leiri. Thamoi hongba adubune Mahaakna khwaidagi maru oina louribase. Eikhoi nollukna eikhoigi paap sing haidokpa tai, tashengna laanjakhre khanba tai, aduga kokpinaba nijagadabani. Ishwargi kokpiba angakpa thoudok adu nahaak thengnaba pambra? Nahak ngasi shengdokpa yai, houjikmak, nahakna toukhiba araanba pumnamaktagi. Nahakna asumna haijaba yai:

Nungshiba Ishwar, ipaapshing gidamak ei khamthengna shoikhre. Nungsibiduna eibu kokpiyu amadi amotpa pumnamak tagi eibu shengdokpiyu Ipuroi Jisu Khrista gi chaoraba katthokpiba adugi mapaanna. Anouba meeshak ama nungda oihanbiyu. Amen.

Nahakna Jisu Khristagi maramda henna khangbininglabadi, nungshibiduna chebaang sigi maningda leiriba sida pao phaobirak u.