Kema Ka·ako Man·ani

Pratap saksa man·e cha·gipa zamindarni depante ong·achim. Uamang nok dal·ao dongachim aro nokolrang bang·en dongachim. Nambatgipa gana chinani, cha·ani aro skia bidako ua man·engachim—ua u·iaha je, uni ma·a paa una namen ka·saahachim, mongsongbate, uni pagipa una ka·sabatahachim. 

Indiba Pratap dal·rorobaahaon, ua dingtangbana a·bachengaha. Skangni janggi tanganirang uko gisik nangatjaha. Pagipani noko aro pagipani sasonrangko ua namnikjaha. Jakgitele janggi tanganiko Pratap nangnikaha.

Salsao, Pratap pagipachi re·angchina uni ma·gipako dingtangmancha mol·molaha. Uni nangnikaniko una aganahaon, ua an·skitmanpilaha. Indiba uko dakjaskal ua ma·gipako didichaaha. Ru·ute pagipa baksa agangrikmano, ma·gipa grape re·bapilaha. 

“Ong·aigenna”, ine ua inaha, aro detangko nina pa·jaha. “An·chingni donga gamko adha pale nang·ni man·gniko on·genna. Indiba maina, ang de? Maina?”

Dikdiksanade Pratap duk man·aha, indiba kusi ong·piltaiaha. Uni miksonga chu·soknasiaha. Ua pagipaoniko man·rikgnioniko man·nasiengahachim aro uni ska gita janggi tangna man·gnokchim.

Skatang Janggi Tangani

Dal·gipa songjinmaona Pratap re·angaha. Dam rakgipa nokko bhara ra·aha aro ua gital ripengrangko man·na a·bachengaha. Ua mingsinggipa manderangna alaniko daknaba a·bachengaha. Ua garirangko breaha, nitogipa me·chikrang baksa tusiaha, aro dam rakgipa hotelrango cha·aha ringaha. Jeko ua nangachim, uko ua man·tokahachim.

Indiba salsao, uni tangka bon·changaha. Kratcha·a gnang, ua ripengskarangoniko tangka ra·srona bi·aha, indiba ripengskarang uko knachakjaha. Ua gamna nanggipa tangkarangko gamna man·jaha. Bon·kamao, nok nokgipa uko rikgalataha. Tangka gri aro ripeng gri, ua bachi re·anggen?

Jajrenge aro chanchisokjae Pratap songjinmako re·jojoangaha. Sal napangahaon, uni gisiko kena napbaaha. Ua bano tusina man·gnok? Ua maiko cha·gnok? Uni janggi tanganio skanggipa changna, Pratap soroko tuaiaha, aro uni ok okkria batbaroroaha.

Dukko Chagrongani

Adita salrangna, Pratap songjinmao kam ka·na am·roroaha. Soroko tusiani gimin uni be·en bimangrangko nidike nikaha, uni gimin hotel mitchigipao kam man·ana agre darangba una kam on·jahachim. Bang·a kontarangna ua uano cha·aniko cha·giparangna ra·ruraaha aro tebilrangko ipakaha. Ua namen okkriaha aro neng·aha. Ua man·e cha·gipani depante ong·e maikai gipinrangna dangdike on·na nanggipa ong·skaaha ine chanchiaha! Hotelni bon·chotgipa cha·gipani re·angani ja·mano, ua manderangni cha·chakanirangko su·srangna dakchakaha. Ua saniba ruti cha·spako nikaha. Namen okkriani gimin ua cha·spako kolna gitik dakahachim.

Angna mai ong·aha? ine ua an·tangko ka·onangmanpilaha. Angni pagipani noko donggipa nokkolrangan bon·chakpilgija cha·aniko cha·na man·enga. Aro anga iano, cha·spako kolamna dakmajoako man·enga!

Ua chimonge dandakgimin cha·chakgipa bosturangko ni·e aditana chanchiaha.

Maiko dakna nanga, anga u·ia, ine ua chanchiaha. Angni pagipaona re·pilange anga una indine agangen, “Apa, anga nang·ni aro Isolni nikao papko ka·aha. Nang·ni depante ong·na anga an·tangko kranikjaha. Ka·sapae angko nang·ni nokkol saksa dake rakkibo.”

Cha·chak ringchakgipa bosturangko ge·sakoba su·srangija, Pratap hotelko wate nokchina re·chakatangaha.

Nokchina Re·pilangani

Nokchina re·pilangon Pratapna bang·bea chanchiani nakatbaaha. Pagipa uko niksoon maiko chanchigenchim? Pagipana maiko agangenchim, uko ua mingtaitaiaha, indiba an·tangko kranikjaengachim. Bon·kamao, chel·bea ramako re·baani ja·mano, ua chel·beaoni pagipani nokko nikataha. Ua ramako ka·snesa re·angaiaha.

Rang·sanan, ua gam·begipa ku·rangko knaaha. Uni pagipa, jean ka·sne re·aigipa ong·achim, nokoni katbaengachim. Ua Pratapona re·bae uko rakbee gipakaha. Pratap an·tangni ka·tongko be·susu dake nikmanpilaha.

“Apa,” ine ua ka·siksikaha, “Nang·ni aro Isolni kosako anga papko ka·aha. Nang·ni depante ine chanako man·na anga krajaha....”

Mamungkoba knaja ingipa gita pagipa dongaiaha. Uni mikkango mikchirang so·olengahachim. Nokkolrang jikjakako knae nokoni ong·katbaaha.

“Ta·rake!” Pagipa uamangko ge·etataha. “Uni kuturiko name tariatbo! Una ganding gitalrangko ra·babo! Song·na cha·na taribo, maina an·ching ale cha·aniko dakgen! Ian angni depante—ua siahachim, tangchapilaha, gimaahachim, nikpilaha!”

Kema Ka·ako Man·ani

Ia golpoara Gitel Jisu Kristoni toe agangipa golpo ong·a jechin Isoloniko maikai kemako man·genchim, uko talatna jakkalgipa ong·a. Janggi tanganio an·ching—dal·a ba chona—dakgualani dongahaon, Pratapni pagipaona re·bapilaha gita, an·chingba Isolona re·bapilna man·a. Neng·begipa on·kanganirangko an·ching dakani dongnaba nangja. Jaktangko badale Isolde an·chingna sengenga. Ka·tongni dingtanganisa Isolnade gamchatbata. An·ching an·chingni paprangko sontolao ku·rachake kemako bi·na nanga. Isolni aiao inmangipa kema ka·aniko na·a man·na skengama? Na·a da·alo, da·on, nangni skango namgijagipa kam dakarangoni rongtalna man·a. Na·a indake bi·na man·a:

Ka·sabegipa Isol, angni paprangna anga namen duk man·a. Ka·sapae angko kema ka·bo, pilak rongtalgijaoniko angko rongtalatbo, maina Gitel Jisu Kristo angna dal·bee an·tangko on·kangaha. Angko gital mande daktaibo. Amen.

Gitel Jisu Kristoni skianirangko na·a u·ibatna skode, ia lekkani janggilo donggipa u·iataniko nie chingona seatbo.