परमेश्वर के विशेष जन

ये कहानी हर ऐसे आदमी के बारे मं बोले गे हे जेन हर तीरथ जातरा मं जाय से पहले नोक्कर मन ल एक जगह मं बलाथे। ओहर सबो नोक्कर मन ल ओमन के काबिलियत के अनुसार पैसा के थैली ल बांटथे, पहला नोक्कर ल पैसा के बड़का थैली; दूसरा ल मंझोलन थैली; अउर तीसरा नोक्कर, ल पैसा के सबसे छोटे थैली बांट के दे दिस। ओकर जाय के अगाहूओहर ओमन ल बोलिस कि ओकर संपत्ति के अच्छा से देख भाल करेबर हे। ओकर बाद ओहर चल देथे।

पहला नोक्कर हर ओकर पैसा ल लेजाके काम धंधा करेबर लग जाथे, उकरे जैसन दुसरा नोक्कर हर भी पैसा ल धंधा करेबर लगा देथे। ओमन कठिन परिश्रम करके दोनों झन सौंपे धन से दोगुना कमा लेथे।

लेकिन तीसरा नोक्कर, जेन हर सब ले छोटे पैसा के थैली पाय रहिसे, अलग परकार के रहिस। ओहर जमीन मं गड्ढा खोदके पैसा ल गड़िया के सुरक्षित रखदिस ओकर बाद निश्चिंत होके, मालिक के दूरदराज रहे के बेरा मं क‌ई बरस ल आलसपना मं बिता दिस।

आखिर मं, मालिक वापिस आ जाथे। पहला दोनों नोक्कर मन ओला आके बताथे कि कैसे ओमन मेहनत कर के ओकर संपत्ति ल दोगुना करे हावय। ओहर बोलिस, बहुत बढ़िया! आप मन अच्छा अउर वफादार नोक्कर हव। बोल के ओहर ओमन ल इनाम दीस आप मन थोड़े से चीज मं सिद्ध कर के दिखाय हव, एकर पाय के आप मन ल अऊ बड़े जिम्मेदारी सौंपे जाहि।

तीसरा नोक्कर हर, रोवत-रोवत गले मिलिस। «मालिक» ओहर बोलिस, «मोला आप के बारे मं पता हे कि आप बड़े कठोर आदमी हव, आप ओ जगह से तोड़ थव जहां पर आप उगाय नयि रहव अउर ओ जगह से समेट थव जहां पर आप छिड़के नयि रहव»। मैं डरा गे रहें, ओई पायके तोर पैसा ल लेजाके जमीन में गड़िया दे रहें। «येले तोर जो कुछ भी हे ठीक उसनेच के उसनेच माढ़े हे, एक दाना भी नयि गंवाय हवे।» लेकिन मालिक गुस्सा हो जाथे काबर कि ओहर जानत रहिसे कि आलसी नोक्कर हर ओकर दूर जायके बाद कुछू काम नयि करे हावय। ओहर ओकर पैसा ल लेके ओ नोक्कर ल देदीस जेन हर विश्वास से मेहनत करे रहिस, अउर ओ विश्वासघाती नोक्कर ल दंड के स्थान मं डाल देथे।

एक आदर्श साम्राज्य

ये कहानी ल प्रभु यीशु मसीह हर बताय रहिसे, जेनहर महान गुरुजी अउर कहानी बतोईया रहिस। ओकर किताब बाइबिल हमन ल बताथे कि एक दिन ओहर बादर मं वापिस आही अउर खास लोग मन ल, ओकर विश्वास योग्य सेवक मन ल उत्तम उपहार दिही। लेकिन जेमन ओकर वापिस आये से तियार नयि रहि बहुत निराश हो जाहि।

परमेश्वर के विश्वासपात्र सेवक मन बर काय अदभूत पुरस्कार हावे? प्रभु यीशु मसीह हर वादा करे हवे कि हमन ल ओ जगह ले के जाहि जेला कहे जाथे “परमेश्वर के राज्य” ये राज्य हर ओ जगह ये जहां मेर सृष्टिकर्ता परमेश्वर निवास करथे। ओहर उत्तम जगह हवे जोनमेर सबो झन पूरी तरह से खुश रहिथे अउर परमेश्वर मानवता के साथ रथे। ए राज्य के लोग मन परमेश्वर के नियम के अनुसार एक दूसरे संग मिल जुल कर रहिथे, ओ जगह मं कोई दुःख, पीरा अउर मृत्यु नयि हवे। अतेक सुंदर राज्य कभू अंत नयि होवय! लेकिन ओ जगह मं केवल विश्वास पात्र अउर आज्ञाकारी लोग मन ही जा सकथे। जेन मन परमेश्वर ल नयि स्वीकार करहि या फिर ओकर सेवा करे के बेरा मं लापरवाही करहि ओमन ओकर राज्य मं नयि जा सकहि।

ए संभव नयि हे कि हमन अपन तरीका से परमेश्वर के राज्य ल पा सकी। ए हर क‌इठन जीवन के अच्छा काम ले भी बढ़के ओकर कीमत हावय। एकर बाउजुद भी सृष्टिकर्ता परमेश्वर हर हमन ल अंदर जाय खातिर मुफ्त उपहार दे हावय। हर कोई परमेश्वर के राज्य मं जा सकथे, जात पात, समाजिक भेदभाव या फिर बिता चुके जिंदगानी कुछू भी अड़चन वाली बात नही हे। लेकिन भले ही ए राज्य ल हमन अपन तरीके से अच्छा काम कर के नयि कमाय सकबो, तभो ले हमर करम हर महत्वपूर्ण हावय। परमेश्वर हर हमन के काम ल देखत रहिथे कि हमन हर का उसने परकार के हावन जेन मन ओकर जगह में आनंद के साथ मिल जुल कर रहिथे।

बाइबिल एक विशेष समूह के लोग के बारे मं बताथे जेमा दो झन नोक्कर मन अपन के सबों काम मं विश्वास योग्य रहीन। ए विशेष लोग मन ल ही “शेष”, कहे जाथे जेनमन हर देश में परमेश्वर के आज्ञा ल मानथे अउर इमानदारी से प्रभु यीशु मसीह के दुबारा आयके डाहर देखते।

शेष से जुड़ना

हमन कैसे परमेश्वर के विशेष जन बन सकबो, ए विश्वास योग्य सेवक मन के समूह जेन मन एक दिन परमेश्वर के राज्य मं चले जाहि? प्रभु यीशु हमन ल परमेश्वर के प्रति विश्वास योग्य बने खातिर सिखाय हावय, लेकिन ओहर एकर बर उलझन बाला नियम के लंबा सूची नयि बनाए। ओहर बोलिस हे कि हमन ल परमेश्वर ल पूरा हृदय, शरीर अउर संपूर्ण मन लगा के अउर अपन के पड़ोसी ल भी अपन के जैसन प्रेम करे बर हे (बाइबिल, मत्ति २२:३७-४०)। सुने मं बढ़ीया लागथे, लेकिन हमन के बीच मं अधिक बार ऐसन होथे कि ए सब अप्रिय लोग मन से प्रेम करना अतना आसान नयि लागय। प्रभु यीशु मसीह अभी भी हमन ल अपन के बैरी ल मया करे बर कहथे (बाइबिल, मत्ति ५:४४)। ये तभे संभव हो पाहि जब परमेश्वर हर हमन के हृदय ल रहस्यमयि ढंग से बदल के अउर हमन ल अनोखा मया अउर अच्छाई ल दी ही। एक ऐसा जीवन जेमा परमेश्वर बर मया अउर दूसरे कोनों बर भी मया हावय तब ओहर ए बात के सबूत हे कि हमन प्रभु यीशु मसीह के ईमानदार नोक्कर कहाबो।

परमेश्वर के राज्य में अनंत जीवन!

प्रथम दो नोक्कर के समान, परमेश्वर के सच्चा अनुयाई ल सहनशील अउर वफादार बनके रहे बर लागही। जब हमर मालिक प्रभु यीशु हर लौट के वापिस अहि, तब हमन के इमानदारी अउर वफादारी बर ईनाम के रूप मं अनंत जीवन पाये खातिर परमेश्वर के राज्य मं जाए बर दीही। वो राज्य हर ओ मन बर हे «जोन मन परमेश्वर के आज्ञा ल मानथे अउर प्रभु यीशु मसीह मं विश्वास करथे।» (बाइबिल, प्रकाशितवाक्य १४:१२)

यदि आप मन ओ मन के संग जुड़े के इच्छुक हव जोन मन परमेश्वर के राज्य मं सदा काल के लिए रहने वाला हे, आप ल प्रार्थना करे बर लगही एक प्रार्थना इस तरह से हावे।

प्यारे परमेश्वर, मोला आपके संग आपके राज्य मं रहे के इच्छा हावय। मोला आपके वापिस आवत तक ले वफादार बनके रहे मं मदद कर देवा। धन्यवाद आपको आपके वादा बर मोला एक बढ़ीया जगह मं ले जाना चाहथा! आमीन।

यदि आप मन ल अउर अधिक परमेश्वर के राज्य के बारे मं जाने के इच्छा हावय, तब कृपा करके इच पन्ना के पिछे जानकारी दिया गेहे ओकरे द्वारा हमन से संपर्क करलिहा।