Dhạrti reaḱ Mucạdoḱ

Ramandeep do thoṛa sukh ńama mente aćaḱ haṛam hoṛmoe hilạo ńoḱ keda. Jaṅ jonoṛaoko netar do bạṛtige hasoyede kana, ar tinre uni do bahre huṛu goḍakoe beṅget́aḱ kana, roṅko ma dhundlạge ńeloḱ kan. Ać bahukuṛi jomaḱe tearet́ kane ańjomedea, are hudiseda ać oṛaḱrenko uni mit’ṭen bojha mente thor bako ńelẽ kana. Umạroḱ do baṅ algawa - baṅdo ać lạgit́ se ać jojotonić lạgit́ge.

Juạne tahẽkan okte tinre mundilteye taṛam calaḱ kan tahẽkan jokheć okako aćren gurui lạiade tahẽkane disạ keda. Aćren gurui lạiade tahẽkana baṅma ponya Jug tahẽkana - jotowaḱge bạṛić lekate haraburuḱ kan tahẽkana. Mucạḍ jugdo - Kạli Jug ge - okado bạṛić utạraḱ kan, ńut te perećaḱ ge. Ramandeep doe homor keda. Paseć Kạli Juk do Mare okte lekan ge - noa bạṛijoḱ laha jotowaḱ moj ge tahẽkana. Uni do khobore ańjom keda, cet́ leka manwako do dhạrti-laṛao, ruạ-hạsu, goć-gopoć ar lạṛhai koteko gojoḱ kana. Okoe do bako goć akan tahẽkan unko do ạḍi ãṭ bhowtikvadi, cintạte pereć ar be-ạini ko hoyoḱ kana.

Noa dukh te pereć disạm do tis mućạdoḱa? Cet́ uniaḱ mare hoṛmo - ar noa bạṛijoḱ groho(Dhạrti) - do janam ruạṛ koḱa?

Dhạrti reaḱ mucạtko Lạilaha akana

Mit́ṭen tayomdaram korenaḱ lạlạić iń uduḱama, okoyaḱ cinhạko do bin digdhạteń pạtiạḱ kana. Uni ge PROBHU JISU MẠSI do. Manwa leka dhạrtiteye heć lena, hoṛkoe bogeyet́ko ar cekate serma rajte boloḱ reaḱe lạiako kana. 33 serma umạrrege, UNI do aćaḱ jione daṛẽ keda. Ar, hahaṛalekate, UNI do goć khon arhõe jiwet́ beret́ena. UNIYE menakada je UNI rebon pạtiạo arbon bataoletae khan, UNIAḰ daṛẽge aboe ikạ are bańcao bona.

PROBHU JISU do abo dhạrti reaḱ darae kan oktere huyuḱaḱ koe lại akada ar noa hoe dạbiyeda je nahaḱ reak’ bạṛićaḱe marao cabaea. UNIYAḰ puthi, Bạibel do, nạbi kathate pereć akana. UNIYAḰ nạbi kathakobon moneyaḱ tae ma okaṭak’ tebon baḍae kea mucạd do seṭerakana mente.

Noa Dhạrti reaḱ Mucạdoḱ 

Mit’ din, aćren cela PROBHU JISU ko kuli kedeya, “Amem seṭeroḱ reaḱ ar jug mućạdoḱ reaḱ cinhạ do che hoyoḱa?” (Baibel, Matthae 24:3) PROBHU JISU doe lạiat́ koa jug mućạdoḱ reaḱ do cinhạko lại lahaḱa okatebon bujhạoa UNIYAḰ dosar choṭ hijuḱ do sorgea mente. Noa cinhạkodo kana:

1. Eḱṛe Babańcao’ko. PROBHU JISUE menakada, “Men sontoroḱpe okoe hõ aloko bulạope ma. Aḍi hoṛ iń ńutumte hećkateko mena, ‘Iń kạnạń MẠSI do’, ar ạḍi hoṛko bulạoḱa” (Matthae 24:4–5). Onko PROBHU JISU ko menogoḱ kan bulạoko ṭhen alobon bulạo ocoḱ ma. UNIYAḰ sạri hijuḱ do goṭa disạmrenko ṭhen sodor gea - “purub khon pạchim marsal malkao lekage” (Matthae 24:27) - ar goṭa disạm do ona botoran ar napṛaḱ mahamạrite thartharaoḱa.

2. Lạṛhạiko ar lạṛhại reaḱ udạ̃uko. PROBHU JISUE lại akada, “Lạṛhại ar lạṛhại reaḱ udạ̃ukope ańjoma. Nẽlme am do alom botoroḱa; noako do parom calaḱa, menkhan mucạd do ạuriyaḱa. Disạmko cetanre disạm, ar raj ko cetanre rajko lạṛhạya.” (Matthae 24:6–7) Mućạdoḱ sećbon seṭer idiḱre, lạṛhại do artet́ge bạṛti idiḱa. 

3. Akalko, Dhạrti laṛaoko, ar Mahamạ-riko. Tesaraḱ cinhại lại leda baṅma jaega jaegare akalko, Otlaṛaoko ar Mahamạriko hijuḱa. Noako do dukh reaḱ etohoṕ kana.” (Matthae 24:7–8) Sedai khon disạmre akalte 20 kaṛoṛ khon hõ bạṛti hoṛko muskil akana. Nepal 2015 reaḱ ot́ laṛaore, 8000 hoṛko goćlen do itihãs re mit́ṭeć ạḍi goćgopoć ghaṭna tahẽkana. Rog kote aemakoak’ jiwiye hataokeda. Sạrige, abo bon ńẽlet́ kana oka PROBHU JISUE lại lahaleda. 

4. Nạitiḱ Ńurhạḱ. PROBHU JISUIE menleda, “Enteḱ be-ạinreak’ kamiko khạtirte aema hoṛaḱ dulạṛ do reyaṛoḱa.” (Matthae 24:12)Noạ ńelakana dinạm hiloḱ Bharot disạmre 91 lạṭghạtiko ar 79 goć-gopoćko hoyoḱ kana. Manwako do apnar motlob regiko hara idiḱ kana baṅko bujhạoeda akoaḱ jạṛuṛ khạtirte eṭaḱ hoṛko dukoḱ kana mente.

PROBHU JISU do noa joto cinhạkoe lại laha akada okado rimilre AĆE hijuḱ lahare huyuḱa. Noako cinhạ huyoḱ bon ńellere, abobon baḍae ma UNIAḰ lại laha katha do sạrigea ar UNIYAḰ hijuḱ do ạḍi sor gea!

PROBHU JISUWAḰ ruạṛoḱ lạgit’ sapṛao!

Okoe do apnartet́, bạḍại, ar be-ạin reko jiwedoḱ kan ko do PROBHU JISUWAḰ hijuḱre do baṅko kusiḱa. Khan, tinre UNI rimilrei ruạṛ hijuḱa onkoaḱ bạṛić kạmiko do ghuṛić tige nosṭoḱ do heć paṛawakoa. Onko do UNI khon ukuḱ ko khoja ar dhiri ar burukoko metat́ḱa, “Ma ale cetanre ńurhạḱpe ar UNI siṅghạsonre duṛup akanić mẽt́~ãhã khon danaṅ lepe!” (Baibel, Johan Sodor Puthi 6:16)

Menkhan onko okoe PROBHU JISUWAḰ daṛẽreko pạtyạo akan, un hiloḱ do, tuṅ ghuṛi tegeko bodoloḱa ar binseaḱ nawã hoṛmoko ńama. Onko do rimilteko uḍạo rakaboḱa ar jaejuk lạgit́ noa kại dhạrti doko bạgiyaḱa. Onko jaejug rạskạ tahẽnko modre am hõ hoyoḱem khoj kan khan, tihiń noa hudiń koem koe daṛeyak’a:

Manotan Sisirjạwić ISOR, PROBHU JISU ạḍi usạrae ruạṛ hijuḱ kanań pạtyạḱ kana. Dayakateḱ cet́ạńme cekate PROBHU JISUŃ baḍaea ariń pạtiạḱa jemon iń hõ unko modreń hoyoḱ okoe ko do sermako idi oćoḱa. Amen.

PROBHU JISUWAḰ tayomdaram nạbi kathako babotre bạṛti baḍae sanayet́ me khan, dayakateḱ noa kagoj tayomsec’ re emaakan nombor re call aleme.