សេចក្តីសង្ឃឹមបន្ទាប់ពីសេចក្តីស្លាប់

សេចក្តីស្លាប់កើតឡើងជាសកលទៅហើយ ប៉ុន្តែវាមិនងាយទទួលយកបានឡើយ។ ហេតុអ្វី? ពីព្រោះព្រះជាម្ចាស់ទ្រង់បានបង្កើតមនុស្សលោកមកដើម្បីឲ្យបានរស់នៅជារៀងរហូត។ ប៉ុន្តែនៅពេលដែលអំពើបាបបានចូលមកក្នុងពិភពលោក សេចក្តីស្លាប់ក៏បានចូលមកដែរ។ តើព្រះជាម្ចាស់ទ្រង់នឹងអនុញ្ញាតឲ្យសេចក្តីអាក្រក់ឈ្នះ ឬ តើមានការរស់ឡើងវិញពីសេចក្តីស្លាប់បែបនេះដែរឬទេ? មនុស្សជាច្រើនមានអារម្មណ៍ថា សេចក្តីស្លាប់គឺជាទីបញ្ចប់។ ទោះជាយ៉ាងណា បុព្វបុរសនៃសេចក្តីជំនឿ និងពួកហោរាទាំងអស់បានសរសេរអំពីគ្រាមួយដែលព្រះទ្រង់នឹងប្រោសមនុស្សស្លាប់ឲ្យរស់ឡើងវិញ ហើយប្រទាននូវជីវិតដ៏នៅអស់កល្បជានិច្ចដល់ពួកគេ។ ខិត្តបណ្ណនេះផ្តល់នូវទិដ្ឋភាពទូទៅដោយសង្ខេបអំពីអ្វីដែលនឹងកើតឡើងនៅគ្រានោះ។