Ka Jingkyrmen Shalyndet ka Jingïap

Ka jingïap ka long lang ïa baroh, hynrei kam long pat kaba suk ban pdiang ïa ka. Balei? Namar ba U Blei u la thaw ïa ki briew ban im junom. Hynrei haba ka pop ka la wan bsut sha ka pyrthei, ka jingïap ruh ka wan lang. Hato U Blei Un shah ba ka jingsniew kan jop, lane don kum kata ka jingmihpat na ka jingiap? Bun ki briew kiba sngew ba ka jingïap ka dei ka jingkut. Watla katta ruh, baroh ki kpa tymmen bad ki nongïathuhlypa ki la thoh shaphang kata ka por kaba U Blei un pynmih pat ïa ki ba ïap kiba hok bad Un ai ïa ki ka jingim bymjukut. Kane ka kot lyngkdop ka batai lyngkot ia kaei kaban sa jia ha kata ka por.