Iḱkạ Sendrai

Pratap do mit’ṭen kisạ̃ṛ Jumidarren koṛae tahẽkana. Onko do mit́’ṭen maraṅ oṛaḱreko tahẽnkan tahẽna ar aema gutikoko tahẽkan takoa. Pratap do jaoge mońj kicrić, jomaḱ, ar oloḱ paṛhaoe ńamet’ tahẽkana - uni doe baḍae kan tahẽkana aćren gogo-baba do ạdi ãṭkin dulạṛekan tahẽkana mente, bises kaite do ać baba. 

Menkhan cet’leka Pratap doe hara idiyena, uni doe bodol idiyena. Ona mareaḱ horko do ar mońj bae bujhạwet́’ tahẽkana. Babawaḱ oṛaḱ ar babawaḱ horko do nicĩnd do bae bujhạoleda. Pratap do sạdhinoḱ lạgit’e usạdok’ kan tahẽkana. 

Mit’ din, Pratap do ać gogoe nehõradea mit’ṭen bises arõjante baba ṭhen calaḱ lạgit’. Tinre unido ać gogoe metadea cet’ jạruṛaya mente, khan uni do raṅgao teye tayomena. Menkhan uni do ać gogoe jormoṭkedea tin hạbić baba ṭhen calao kateḱ koye ạuri rebenoḱ. Aeima dine hataokeda, menkhan ses re ać gogo rak’anteye ruwạṛena. 

“Uni doe cekaya”, gogodoe menkeda, ar ac’ren koṛa sec’ bae koyok’ daṛeyada. “Uni do adha sompottie ạkhrińa ar amaḱ bakhraye emama. Menkhan cedaḱ, ińren beta? Cedaḱ?”

Pratap do pachtaw reaḱ thoṛa duke bujhạo keda, Menkhan saõte kusiteye hulạsena. Uniaḱ pontha do purạwen taya. Unido babawaḱ paisa khon aćaḱ hĩse ńama enḍe khan aćaḱ menjoṅ leka jione jiwed daṛeyaḱa.

Birbanṭa Jion

Pratap do maraṅ nagrahateye calaoena. Unido mit’ṭen damanaḱ oṛaḱ bhaṛae hataokeda ar nãwã gateko benaoe ehopena. Usạrage bhoj jom ńu ko ehop ena okatedo kisạ̃ṛko ar namḍak gatekoe ńam ket́koa. Gạḍikoe kirińkeda, cerhawan kuṛiko saõteye gitićena, ar daman maraṅ hoṭelkoreye jom keda. Uni do jahanaḱ geye khoj kan tahẽkan jotowak’e ńamkeda.

Menkhan mit’ din do, Pratapaḱ paisa do cabayen taya. Lajaopaṛa, aćren gateko thoṛa paisa pańcae khoj keda, menkhan aćkage onko do uniaḱ phon uḱṭhạwko bond keda. Uni do aćaḱ billko bae emdaṛeyada. Sesre oṛak’ mạlik do uni oṛaḱ khone oḍoḱ kadeya. Begor paisa ar begor gatete okateye calao koḱa?

Pratap do goṭa nagrahateye dãṛãbaṛae kan tahẽkana, bin baḍae ar cintạwante. Tinre candoe hạsuroḱ kan tahẽkana uni do botore bujhaokeda. Okare uniye gitic’koḱa? Cet’e jomkea? Pạhil dhao Pratap do ḍahar reye gitićena, reṅgećte lać do kuṛkuṛạḱ kan taya.

Kastaoe bujhạokeda

Thora din lạgit́’, Pratap do nagrahare kạmiye sendra keda. Uni do ḍahar khone gitić beret’ akan te mạilạgeye ńeloḱ kan tahẽkana, onate okoe hõ uni kạmi bako emawaea eken unko chaḍa okoeak’ hoṭelko do baṅ’ calak’kan. Pratap do ghonṭa khon ghonṭae kạmikeda, jojomko jomak’e idiyakoa ar mejkoe saphaya. Unido ạḍi reṅgeć ar laṅgae bujhạo keda. Unidoe hudiskeda cekate nonka do hui daṛek’a je, mit́ṭen kisạ̃ṛ hoṛ ren hopon huekateḱ, jomaḱe hạṭiń baṛaeda! Tinre hoṭelre mućạt́ jom huyen khan, thạriko saphae lạgit’ dakae oṛaḱteye calaoena. Uni do giḍiyak’ak’ko sur re mit’ṭen thariye ńel keda sareć akan adha jom sareć piṭhạge. Uni do ạḍige reṅgeće bujhạokeda je uni do ona hatao lạgit’e lahalena.

Iń sãote cet’ huyuḱ kana? aćtegeye egerena. Gutiko hõ iń babawaḱ oṛaḱre do juṭuć bạṛti piṭhạ menak’takoa. Menkhan iń nonḍe, sarec’ akanak’ ko lạgit́iń ahkaḱ kana!

Uni do jarwa wakan thạriko seć beńget́ urić kateye gunạnena.

Ińiń baḍaya cet’ iń cekaya, uniye hudiskeda. Iń do iń baba ṭheniń ruwạṛoḱa ariń metaya, “Baba, iń do am ar ISOR birudiń kại akada. Iń do ar amren gidrạ ńumogoḱ lek doń baṅ kana. Dayakateḱ amren mit’ṭen bahre guti menkateḱ dohoń me.”

Mit’ṭen thạri hõ baṅ saphaete Pratap do ona hoṭele bạgiyada ar ayaḱ oṛaḱteye mohḍayena.

Oṛaḱe ruạṛoḱ kana

Pratap do oṛaḱe ruạṛoḱ kan iạte hudis reaḱ do aema hudisko menaḱ taya. Ać baba do cet’ lekae beoharaya uniye ńelere? Unido aema dhaoe roṛ aro keda seṭer lenre baba do cet’e metaya mente, menkhan onate uni do bae dukh lena. Mućạt’re, aema hore paromket́ khan jhạl khon ge ać babawaḱ oṛaḱe ńẽl ńam keda. Unido bại-bại tey laha idiyena.

Aćkage, mit’ṭen ãṭ aṛaṅe ańjom keda. Ać baba, do ạḍi nidhạn ar nirạean, oṛaḱ khone dạṛ oḍokena. Pratap ṭhene seṭerente jorteye hạṛup kedea. Pratap ayaḱ ontor rạput́entae lekae ạikạo keda.

Botor machayentey menkeda “Baba, iń do am ar ISOR birud reń kại akada. Iń do amren hopon lekhaḱ lek do ar bạnuńa...”

Baba do nonkae sodorena baṅma uni do mit’ṭen katha hõ bae ańjomket’ leka. Mẽt́-ãhãre mẽt’daḱ do joroḱ kan tae tahẽkana. Aṛaṅko ańjom ket́ khan oṛaḱren gutikoko dạṛ ạgukeda.

“Usạrate!” Babae hukumat́’ koa. “Uni lạgit’ kandha sapṛaope! Uni lạgit’ nawa kicrić sapṛaope! Mit́ṭen bhoj tearpe, abodobon ṛaskạjoṅa! Nui ińren hopon - doe goćlena are jiwẽt’ ruwạṛena; uni doe at́lena are ńam ruwạṛena!”

Iḱkại ńameda

Noa kạhni do JISU MẠSIYE lạe let́ kạhni khoć hataw akana, noa hotete MẠSIE bujhạw ocoyet́ bon kana je aabo hõ onkage bebenawić ISOR khon iḱkạ bon ńameda. Tinre abowaḱ jionrebon bhulet́ kana - hẽ marãṅge rehõ - Pratap ać baba ṭhene ruạṛen leka abo hõ ISOR ṭhen ruạṛoḱ jạruṛ tabona. Abodo jahãn muskil ạricạlise jahãn daṛẽko do baṅ emoḱ jạruṛ tabona. ISOR do ti tiyạrkatek’e koyoḱ horet́ bon kana. Unido bodolakan mon ontorge bạṛtie hetawaḱ kana. Abodo aboaḱ kạikobon aṅgoc tabonma, dukh bon aṭkarma, ar iḱkạbon khojma. Cet́ am ISORAḰ hahaṛa maraṅ ikḱạ aṭkarem khoj kana? Amaḱ joto kạiko khon tihińge am saphak’em daṛekeya, hẽ nit’ge. Nonkam koijoṅ’ daṛeyaḱa:

Dulạṛan ISOR, ińaḱ kạiko lạgit́ ạḍiń dukh gea. Dayakateḱ ikḱạ kạńme ar JISU MẠSIYAḰ maraṅ daṛẽ iạte ińaḱ joto besaphako khon saphakạńme. Ontor khon nawa arokạńme. Amen.

JISU MẠSI babot re arhõ bạṛti baḍae sanayet́ me khan, noa kagoj reak’ tayom sec’ emakan number kotem galmarao daṛeyaḱa.