ISORREN Bises Hoṛko

Kạhni do mit́ten hoṛaḱ kana okoido ạḍi sạṅgiń daṛane oḍoḱ senoḱ lahare aćren gutiko kạmireye bahal oṭo kako kan. Pạhilić gutitaeye emadea mit́ten marań paẽsa reak’ thạilạḱ; dosarić do ona khon huḍiń paẽsa thạilạḱ ar tesarić do ạḍi huḍiń paẽsa reak’ thạilạḱ - akowaḱ daṛe lekage. Uni onkoe metat́ koa aćaḱ dhonko jemonko sambṛao tae ac’e calaokok’re. Adoe oḍok calawena.

Pạhil gutitae do ona paẽsa hatao kate karbare ehopena. Onkage, dosarić hõ ona paẽsa bepar korei lagao keda. Kosṭowak’kin kạmikeda, ar usạrage ona khon bar doboṛ kin labjoṅana. 

Menkhan uni tesarić guti, okoido ạḍi huḍiń paẽsa thạilạḱe ńamlét́, do judạgeye tahẽkana. Unido ghaḍlak’e la keda ar paẽsa doe topa keda jogao dohoe lạgit’ - adoe khạtirena, aema serma mạlik ạuriye hijuḱ hạbić ạuṛi rạskạe bitạo keda.

Mućạt́re, mạlik doe ruạṛena. Pạhil banar gutikin do cet́ leka kin kosṭokeda ar bar doboṛkin labjoṅana kin uduḱ adea. Unie menkeda, “Mońj kạmi! Aben do bhage ar pạtiạr golam kanaben. Thoṛawaḱre pạtyạrben tahẽkana, nit́ do ạḍi okoćaḱko cetanreń dohokabena.” Ado kuṛaye emat́kinạ.

Tesarić cạplusi salaḱe heć ena are lajao ocoyena. “Mạlik”, unie menkeda, “iń baḍaya am do keṭeć hoṛ kanam, bam rohoyakat korem ira ar bam erakat’ itạkom jarwaya. Iń doń botorena, onate iń do amaḱ paẽsa otreń oko kada. Noḱoe, amaḱ okam emawadiń tahẽkan - mit́ṭen hõ baṅ at́ akana.” Menkhan mạlik doe edreyena enteḱ uniye baḍaya asaṅpoḍa guti do cet́ ge bae cekaoakada ać bae tahẽkanre. Uni aćaḱ paẽsae hatao keda, unkin pạtyạr salaḱ kin kạmilet́ gutikine emat́ kina, ar uni bepạtyạr guti do sasetok’ jaegareye khadle kadeya.

Mit́ṭeć Niphuṭ Rajosṭi

Noa kạhni do PROBHU JISU MẠSI, maraṅ Guru ar kạhni lạlạić hotete lai lena. Uniyak’ puthi, Baibele lạiabon kana Uni do mit́ din rimilteye ruạṛ hijuḱa ar aćren bises hoṛko, pạtyạr gutitaeko maraṅ kuṛạye emakowa. Menkhan okoe ko do Uniyak’ ruạṛ hijuḱ lạgit’ sapṛao banuk’ko unkodo ko haehạpugoḱa.

ISORREN pạṭyạr gutiko lạgit’ ona hahaṛa kuṛạido cet’ kana? PROBHU JISU MẠSI aće kiryạ akat́ leka Ona “ISORAK’ Raj” ko metaḱ jaegateye idibona. Noa Rajge ona jaega do kana okare ISORE tahẽnkan. Noa do Mit́ṭen niphuṭ jaega kana okaredo jotoko purạ-puri rạskạwante ar okare do ISOR manwako tuluće tahẽna. Noa Rajosṭi ren tahen hoṛko do ISORAK’ ạn saõte ar mit́ eṭaḱ ko saõteko tahẽna. Ondedo dukh, hasu se gujuk’ banuk’a. Noa hahaṛa Rajosṭi do tis hõ baṅ mucadok’a! Menkhan eken pạtyạr ar baḱtao koge ona jaegako calak’a. Onko Okoeko do ISOR ko baṅea se unko asaṅpoḍage ar Uniyak’ sewa kạmiko nisṛạw akat́ ko do Uniyak’ Rajosṭire bako bolo daṛeak’a.

Apnarte ISORAK’ Rajre boloḱ do baṅ hoe daṛeak’a. Noa do jionbhor monj kạmi khon hõ ạḍi tet́ bạṛti damangea. Menkhan, Sisirjạwić ISOR mostetege boloḱ lạgit́ dane emabon kana. Jahãe ge ISORAḰ Rajreko calao daṛeyaḱa, Jạt, Somaj se calao paromen itihasko reak’ jãhãn mane bạnuḱa. Noa Rajosṭire boloḱ lạgit́ jahãtinạḱ ge abowaḱ kạmi kote do baṅbon bolo daṛeyaḱ enrehõ, abowaḱ kạmi kodo jạruṛ gea. ISOR aboaḱ kạmikoe ńeleḱ kana onka lekan hoṛko kanabon sebaṅ okoekodo ona jaegare suluk’anteko tahẽkoḱa. 

Baibele lạiabon kana mit́ bises hoṛko okoedo unkin pạhil guti leka kanako - jotowaḱ kạmikoregeko pạtyạr gea. Nonko bises hoṛ, okoedo “sarec’ko” hoho ocok’ kan onko do dhạrti reaḱ goṭa disạmrenko okoe do ISORKO bataoe kan ar PROBHU JISU MẠSIAḰ dosar coṭ hijuḱko koyoḱ horet́ kana.

Sesrenko sãote Seledoḱ

Cekate abo do ISOR ren onko bises hoṛ ko sãobon hoedaṛekoḱa, onko pạtyạr gutiko okoe do mit́ din ISORAḰ Rajosṭireko boloḱ? PROBHU JISU MẠSIE cet́ akat́ bona ISOR re pạtyạr tahẽn lạgit́, menkhan UNI do jahan muskil hukum do bae benao akada. UNIE men akada abowaḱ goṭa ontorte, gota monte, ar goṭa jiwiṭe ISOR dulạṛe jạruṛa, ar aboren aḍe-paseren ko hõ apnar leka dulạṛko jạruṛa (Baibel, Mathae 22:37-40). Noa do sohoj ge ańjomoḱa, menkhan abo modre aema hoṛge baṅ-dulạṛakat́ko do babon dulạṛet́ koa. Hẽ PROBHU JISU MẠSIE menakada aboren bạiri ko hõ dulạṛko jaruṛa (Mathae 5:44). Noa do tobe ge hoyoḱ kana tinre ISOR abowaḱ ontor hahaṛalekateye bodolet́ tabonte are emabon kana sanam khon soros dulạṛ ar mojtet́ge. ISOR lạgit́ dulạṛanaḱ jion ar eṭaḱko lạgit́ dulạṛ do PROBHU JISU MẠSI ren pạtiạr guti kanabon mentei sạbit́eḱ bona. 

ISORAḰ Raj re Jaejuk Jion!

Unkin pạhil guti lekage, ISOR sạriko panjayede kan ko hõko jiwi hataṛa ar pạtyạrko tahẽna. Tinre aboren Guru JISUE ruạṛa, aboaḱ ona ISOR bhokti ar pạtyạrge ona ISORAḰ jaejuk rajosṭire ader bona. Ona rajosṭi do onko lạgit́kana, “okoe kodo Isorak’ hukumko dohoyet́ ar Jisure pạtiạo menaḱtako” (Baibel, Johan Sodor 14:12).

Judi ISORAḰ rajre okoe do jaejukko tahen kan unko sãote am hõ Seledoḱem khoj kan khan, nonkam koe daṛeyak’a:

Dulạṛan ISOR, Amaḱ Rajre iń hõ Am saõte tahẽniń khoj kana. Pạtyạr tahẽn cet́ ạń me ar Amaḱ hijuḱ ruạṛoḱ hạbić goṛowạńme. Mit’ṭen mońj jaegatem idiń lạgit́ kiriạ akan iạteń sarhaoet́ mea. Amen.

ISORAḰ rajosṭi babotte bạṛti baḍae sanayet́me khan, dayakateḱ noa kagoj reak’ tayomsec’ re menaḱ number kotem galmarao daṛeyaḱa.