Mit'ṭen hahaṛako reaḱ din

Vimal do aćaḱ auto-rickshaw ḍahar aṛe sec’e or agukeda. Ona sara din aema dejoḱ hoṛkoe ńamket›koa enrehõ, uni do rạskạ bae bujhạo leda. Uni do aćaḱ bapla babotre hudis bae hiṛiń daṛeyada. Uni doe rạpudok’ kane bujhạoet’ tahẽkana!

Unido ać bạhu, Seemae dulạṛe kan tahẽkanana - menkhan dinạm lekage uni dale do bae bạgi daṛeyak’ kan tahẽkana. Ać bạhu uni aḍiye raṅgao oćokedea. Uni onka bae khoj kan tahẽkana, menkhan aćtege onka huiena. 

Dhorom reak’ kạmi ko oktere Seema do bạrić jiue sabe kan tahẽkana ar don atei eneća, bae sambṛaḱa, ar ayak’ kicrićkoe oṛeće tahẽkana. Vimal do uniyaḱ nonkan besamṛaok’ bae kusiyaḱ kan tahẽkana. Uni do onkan dhorom sobhare seledoḱe manaledea, menkhan uni bae ańjomet’ tahẽkana. Uni do dãṛe samaṅ janwaraḱ mayam met’ahã kore ar kicrićko oṛećkateḱ oṛaḱe seṭeṛoḱ kan tahena ar Vimal do raṅgaoḱ te uniye dale kan tahẽkana. 

Seema do bardhaoe bhạrti hoṛmo lena menkhan uniyaḱ bạṛić dhorom kạmihora khạtirte gidrae n’urentaya. Unido arhõ bạṛtigeye ḍhiṭ idiyena ar Vimal do bạṛtige raṅgao, cintạ ar dusiye aṭkareḱ kan tehẽkana.

Mit́ṭen bhage Hor

Vimal do aćaḱ auto-rickshawreye duṛup’ akan tahẽkana, mit́ṭen bhage hor lạgit́e hudisana. Aćkage, unido dahar sor senaḱ oṛaḱ khon aṛaṅe ańjom keda. Onḍe gidrạko ar juwạnko tahẽkana, ar mit́ hoṛe lạlạe kan kạhniko ańjommet́ tahẽkana. 

Kạhni lạlạić do mit́ hoṛaḱ kạhniye lạeako kan tahẽkana okoe do muskilak’ko khone dạṛet́ kan tahena. Unido aćren jawa boehae dhoka kedeya ar bạṛiće dukh oco kedete nui aćaḱ jion lạgit́e botorena. Are dạṛket́te, hahaṅkar jaegare jạpit́ lạgit’e tiṅguyena. Jahan eṭak’ cet’hõ baṅ tahẽkana okatedo moṅj jạpit’e n’amkea menkhan dhirirege bohok’ kateye jạpit’keda. Eskargeye aṭkarkeda are bhabnayena aćaḱ gharõṅje rạput́ lạgit’ cet’e cikạkeda mente.

Vimal do aḍi moṅjte ona kạhnie aṅjom keda. Uniye bijhạwkeda cet́ leka uni hoṛ doe aṭkaret́ tahẽkana mente.

Kạhni lạlạić doe lại idikeda. Uni hoṛe jạpit́ket́ khan, mit’ṭen kukmui ńẽl keda. Unidoe ńẽl keda mit́ṭen siḍi sermae joṭet́ tiyoḱ akat’ tahena. Ona siḍi tedo serma goḍet́ko deć-aṛgon kan tahẽkana, nui dukh akan monan hoṛ lạgit’ bhor ko ạṛgo aguyet́ leka. Ebhenen khane rạskạyena. Unie bohoḱ leḱ dhiriye doho keda aćren ISOR lạgit’ disạdohoya mente. Ona siḍi reaḱ kukmute ISOR sạ̃ote arhõe joṛaoena mentei bujhạokeda, are baḍae keda jotowaḱ monjge hoyoḱa mente.

Mit́ṭen Nãwã Puthi 

Tinre hoṛko oḍok calaoen khan, Vimal do lajao seleḱte ona oṛaḱe boloyena.

“Rạskạ Sabbath Johar”, kạhni lạlạić uniye metadea. 

“Sabbath do cet’ kana?” Vimal baḍae sanakedeteye kulikedea.

 “Ale do Sisirjạwić ISOR le sewawaegea”, kạhni lạlạiće roṛ ruạṛkeda. “Ar Uni do hapta reaḱ eaeak’ din Sabbath hiloḱ sewaea menteye men akada, enteḱ Uni do dhạrti eae din teye benaoakada. Uni hoṛaḱ kukmure ona siḍi leka serma ar dhạrtiye joṛaoet́ leka, Sabbath hõ hapta reak’ sonotaḱ din kana okado abo ISOR saõteye joṛaoet́ bon kana. Tinre abo noa dinrebon sewayet́ khan, abowaḱ sewa Sisirjạwić ISOR bon uduḱ ae kana ar Uniyak’ bhorbon ńama.”

Vimal do unkin jawa boehawaḱ kạhnite mone joṭet́en taya. “Ona kạhni do okarem ńam keda?” 

“Noa do Baibel khon kana, Jisu Mạsiak’ puthi khon”, kạhni lạlạyić ona puthi oḍok ket́ te Vimale emadea. “Noare ona kạhnim paṛhao daṛeyaḱa.” 

Vimal uniye sarhao kedea ar ona nawa puthiwante oṛaḱe calaoena. Onae paṛhaoket́ khan suluke ńam keda, ar dosar Sunibar onḍeye calao dohṛayena. Duṛup hapeyente ar uni ISOR ṭhen aćaḱ sonot din reye koe keda, aćyaḱ ontor re judạge hahaṛawaḱ hueyen lekae aṭkar keda. 

Mit́ṭen Bodolakan Hoṛ

Mit́ din, Vimal ona nãwa puthiye paṛhaokeda, uni do mit́ṭen hạṭiń kạliye ńam keda onae menet́ kan, “cet́ bam baḍaea am do ISORAḰ mundil kanam mente okare uni SONOT JIUE ḍeraḱ kan?” (1 Korinthiko 3:16)Aćkage uniyaḱ monere marshal bãbẽrena. Hoṛmo do ISORAḰ mundil kan khan, uniye hudiskeda, okoe hõ ona bạṛić reaḱ ạidạri do bạnuḱ taya. Iń do ińren bạhu ar do bạń daleya.

Lahate aema dhaoe kurumuṭulet́ gea, menkhan noa dhao do sarigeye bagikeda. Unie bujhạo keda Baibel paṛhao ar Sabbath hiloḱ sewaete do Sisirjạwić ISOR saõtey joṛawena, okoe do uniyaḱ mon bodol reye goṛoakawade. Nonka aṭkarena mit́ṭen maraṅ ti do uniyaḱ koṛam khon ona dhiri mone oḍok ket́ taya ar mit́ṭen daya moneye emadea. 

Mit́ruạṛenakin!

Aema bochor Vimal do Sabbath hiloḱ uni Sisirjạwić ISORE sewawadea. Bại-bạite, Seema do ać jawãere bodole aṭkar keda. Uni do ar bae dal ledea. Boroṅ, uni do napai ar dayaic’e huiena.

Nit́oḱ, Seema do ạḍiye hudis laṅgayena. Unie aṭkarkeda JISU MẠSIAḰ ona puthi paṛhao kateḱ ar jao Sunibar hiloḱ girjạ khon ruaṛ kateḱ Vimal do ạḍi napaye ạṭkaroḱ kana. Mucạṭre, uniye kuli kedeya cet́ ać saõtey calao koḱa, uni doe hẽ keda. 

“Sabbath do abo gharõnj lạgit́ mit́ṭen bises din kana,” Vimale menkeda. “Noa din rege ISOR ać saõte joṛaḱ lạgit́e neõtayet́ bon kana. Tinre nonka lekate UNI saõtebon joṛaḱ kana, UNI hahaṛawaḱe kạmiya. Iń baḍaya iń bạhu ar ińaḱ bapla do rạskạwanaḱ hoe akana cedaḱje iń do Sisirjạwić ISOR dinạm hilạḱ sewawaeiń cedꞌ akada, biseskaite Sabbath hiloḱ. Ona Sabbath bhor do ISOR saõ ar ạliń mit́ eṭaḱ saõte hõe supurket́ lińa.”

Tihiń, Vimal ar Seema tạkin do barya gidrạ saõte rạskạ bapla jion kin khemaoeda. Unkin do Sabbath bhor babot te oḍok duạr ade-paseren joto hoṛkokin lạeyako kana.

Sabbath babotte se Baibel ńamem khoj kan khan, dayakateḱ noa kagoj tayom sec’re menaḱ number kotem galmarao daṛeyaḱa.