ଏକ ବିଶ୍ରାମହୀନ ଜଗତରେ ବିଶ୍ରାମ

ମିତା ଦୁରାନ ମରିଯାଇଥିଲେ । ଜୀବନ୍ତ, ୨୪ ବର୍ଷ ବୟସ୍କା ଇଣ୍ଡୋନେସିଆର ଜୀବନ୍ତ ବିଜ୍ଞାପନ ଲେଖକ ତାଙ୍କ ଡେସ୍କରେ ଖସିପଡିଥିଲେ । କ’ଣ ହୋଇଥିଲା? 

ମିତା ଏକ ବିଜ୍ଞାପନ ଏଜେନ୍ସିରେ କାମ କରୁଥିଲେ, ଯେଉଁଠାରେ ଆଶା ଅଧିକ ଓ କାର୍ଯ୍ୟ ଭାର ଅତି ବେଶୀ ଥିଲା । ମୃତ୍ୟୁ ପୂର୍ବରୁ ସେ ସୋସିଆଲ ମିଡିଆରେ ନିଜର କ୍ଳାନ୍ତି ବିଷୟରେ ମନ୍ତବ୍ୟ ଦେଇ କହିଲେ: “ଆଜି ରାତିରେ ମୁଁ ସିଧା ଅଷ୍ଟମ ଦିନ ପାଇଁ ଅଫିସର ଚାବି ନେଇ ଯାଉଛି…। ମୋର ଜୀବନ ନାହିଁ ।”

ସେ ରେଡ ବୁଲ୍‍ର ଏସୀୟ ସଂସ୍କରଣ ହୋଇଥିବା କଫିନ୍ ପାନୀୟ କ୍ରେଟିଙ୍ଗ ଡେଙ୍ଗ ଉପରେ ଅଧିକ ନିର୍ଭର କରୁଥିଲେ। ତାଙ୍କର ଶେଷ ଅନଲାଇନ୍ ମନ୍ତବ୍ୟରେ କହିଥିଲେ, “୩୦ ଘଣ୍ଟା ହେଲା କାମ କରୁଛି ତଥାପି ଦୃଢ଼ ଅଛି ।” ତା’ପରେ ସେ ନିଜ ଡେସ୍କରେ ପଡ଼ିଗଲେ ଆଉ କେବେ ଉଠିଲେ ନାହିଁ । 

କଣ ହେଲା? ମିତାଙ୍କର ମୃତ୍ୟୁ ଅତ୍ୟଧିକ କାମ କରିବା ଯୋଗୁଁ ହୋଇଥିଲା ।

ଆଜି, ଆମମାନଙ୍କ ମଧ୍ୟରୁ ଅନେକଙ୍କର ବ୍ୟସ୍ତବହୁଳ କାର୍ଯ୍ୟର ତାଲିକା ଅଛି । ସମାଜ ଆମକୁ ଅଧିକ କାମ, ରୋଜଗାର କରି ଅଧିକ କିଣିବାକୁ ଉତ୍ସାହିତ କରେ । ଆମେ ମାନସିକ ଚାପ, ଅନିଦ୍ରା, ଏବଂ ମାନସିକ ପରିଶ୍ରମ ଆଦିର ଶିକାର ହୋଇଥାଉ । 

ମିତା ଦୁରାନ୍ ଭଳି ଆମେ ନିଜକୁ ହତ୍ୟା କରୁ ନ ଥିବୁ, କିନ୍ତୁ ଜୀବନ ଏକ ଭାରି ବୋଝ ହୋଇପାରେ । ଈଶ୍ବର ଆମ ପାଇଁ କ’ଣ ଏହା ଉଦ୍ଦେଶ୍ୟ କରିଛନ୍ତି କି? ସେ ହେଉଛନ୍ତି ଶାନ୍ତି ପ୍ରଦାନକାରୀ । ଯେତେବେଳେ ଆମେ ନିଜକୁ ଅଧିକ ପରିଶ୍ରମ କରୁ, ସେତେବେଳେ ଆମେ ଶାନ୍ତି ଅନୁଭବ କରୁ କି? ନିଶ୍ଚିତ ଭାବରେ ନୁହେଁ!

ଯଦି ଆମେ କ୍ଲାନ୍ତିରେ ଅତିଷ୍ଠ ହୋଇଥାଉ, ଏହା ନିଶ୍ଚୟ ଯେ ଆମେ ମନେ ରଖୁ ବୋଲି ଈଶ୍ୱର ଚାହୁଁଥିବା କିଛି କଥା ଆମେ ଭୁଲିଯାଉଛୁ । ଆସନ୍ତୁ ଜାଣିବା ବିଶ୍ରାମ ବିଷୟରେ ସେ କ’ଣ କହିଛନ୍ତି । 

“ବିରାମ” ବା “Pause” ବଟନ୍ ଦବେଇବା

ପରମେଶ୍ୱର ଅଶେଷ ଦୟାଳୁ ଓ କରୁଣାମୟ ଅଟନ୍ତି ।
ସେ ଜାଣିଥିଲେ ଯେ ମନୁଷ୍ୟକୁ ନିଜର ଶାରୀରିକ, ମାନସିକ ଓ ଆଧ୍ୟାତ୍ମିକ ଶକ୍ତିକୁ ରିଚାର୍ଜ କରିବା ପାଇଁ ସମୟର ଆବଶ୍ୟକତା ରହିଛି, ଯେପରି ଏକ ସେଲ ଫୋନ୍ ବା ଲାପଟପ୍ କମ୍ପ୍ୟୁଟରକୁ ରିଚାର୍ଜ କରିବା ପାଇଁ ସମୟର ଆବଶ୍ୟକତା ରହିଛି। ତେଣୁ, ଭବିଷ୍ୟ‌ଦ୍‌ବକ୍ତା ମୋଶା (ମୁସା ନାମରେ ମଧ୍ୟ ଜଣାଶୁଣା) ଈଶ୍ୱରଙ୍କ ଆଦେଶକୁ ରେକର୍ଡ କଲେ:

ବିଶ୍ରାମ ଦିନକୁ ପବିତ୍ର ରୂପେ ପାଳିବାକୁ ସ୍ମରଣ କର । ଛଅ ଦିନ ପରିଶ୍ରମ ଓ ଆପଣାର ସବୁ କର୍ମ କରିବ; ମାତ୍ର ସପ୍ତମ ଦିନ ତୁମର ପ୍ରଭୁ ପରମେଶ୍ଵରଙ୍କର ବିଶ୍ରାମ ଦିନ ଅଟେ । ତହିଁରେ ତୁମେ କୌଣସି କାର୍ଯ୍ୟ କରିବ ନାହିଁ । (ବାଇବଲର ପ୍ରଥମ ଭାଗରୁ, ଯାହାକୁ ତଓରାତ ମଧ୍ୟ କୁହାଯାଏ: ଯାତ୍ରାପୁସ୍ତକ ୨୦:୮-୧୦)

ଈଶ୍ୱରଙ୍କ ଏହି ଅପରିବର୍ତ୍ତନୀୟ ନିୟମ ଆମକୁ ସପ୍ତମ ଦିନକୁ ମନେ ରଖିବା ପାଇଁ କହିଥାଏ । ପୃଥିବୀରେ ଅନେକ ଭାଷା ଅନୁଯାୟୀ, ବିଶ୍ରାମ ପାଇଁ ଉତ୍ସର୍ଗୀକୃତ ଏହି ସପ୍ତମ ଦିନକୁ “ଶନିବାର” ବା “ସାବ୍ବାଥ” କୁହାଯାଏ । ଈଶ୍ୱର ଆମକୁ ଏହା ମନେ ରଖିବାକୁ କାହିଁକି ଆଦେଶ ଦେଲେ? କାରଣ ସେ ଜାଣନ୍ତି ଯେ ଆଦମଙ୍କ ଠାରୁ ଆରମ୍ଭ କରି ମାନବ ଜାତି ପାଇଁ ଭୁଲିଯିବା ଏକ ସମସ୍ୟା ହୋଇଆସିଛି। ଆମ୍ଭେମାନେ ଈଶ୍ୱରଙ୍କ ଆଜ୍ଞା ଭୁଲିଯିବା ଉଚିତ୍ ନୁହେଁ, କାରଣ କେବଳ ତାଙ୍କୁ ଓ ତାଙ୍କର ଆଜ୍ଞାକୁ ସ୍ମରଣ କରିବା ଫଳରେ ତାହା ଆମକୁ ସଳକ ପଥରେ ଚଲାଇ ରଖିବ ।

କିନ୍ତୁ ବିଶ୍ରାମବାର କାହିଁକି ବିଶେଷ ଅଟେ? ଈଶ୍ୱର ଆମକୁ କହନ୍ତି,

ଯେହେତୁ ପ୍ରଭୁ ସ୍ୱର୍ଗ ଓ ପୃଥିବୀ ଓ ସମୁଦ୍ର ଓ ତନ୍ମଧ୍ୟସ୍ଥିତ ସମସ୍ତ ବସ୍ତୁ ଛଅ ଦିନରେ ନିର୍ମାଣ କରି ସପ୍ତମ ଦିନରେ ବିଶ୍ରାମ କଲେ। ଏହେତୁ ପ୍ରଭୁ ବିଶ୍ରାମ ଦିନକୁ ଆଶୀର୍ବାଦ କରି ପବିତ୍ର କରିଅଛନ୍ତି । (ଯାତ୍ରା ୨୦:୧୧)

ବିଶ୍ରାମବାର ଏକ ଗୁରୁତ୍ୱପୂର୍ଣ୍ଣ ସ୍ମାରକ ଅଟେ ଯେ ଈଶ୍ୱର ହେଉଛନ୍ତି ସୃଷ୍ଟିକର୍ତ୍ତା । କିଛି ଲୋକ ଆପତ୍ତି କରନ୍ତି ଯେହେତୁ ଈଶ୍ଵର କ୍ଳାନ୍ତ ହୁଅନ୍ତି ନାହିଁ, ତେଣୁ ତାଙ୍କୁ ସପ୍ତମ ଦିନରେ ବିଶ୍ରାମ  ନେବାର ଆବଶ୍ୟକ ପଡ଼ିବ ନାହିଁ । କିନ୍ତୁ ପରମେଶ୍ୱର କ୍ଳାନ୍ତ ହୋଇ ବିଶ୍ରାମ କଲେ ନାହିଁ; ସେ ତାଙ୍କର ସୃଷ୍ଟି କାର୍ଯ୍ୟକୁ ବିରତ କଲେ ଯେପରି ଆମେ ବିଶ୍ରାମ ନେବା ପାଇଁ ସେ ଏକ ପବିତ୍ର ସମୟ ସୃଷ୍ଟି କରିପାରିବେ ।

ଈଶ୍ଵର ଦେଖିଲେ ଯେ ବିଶ୍ରାମ ଦିନ ମାନବ ଜାତି ନିମନ୍ତେ ଉତ୍ତମ ଅଟେ । ସେ ସପ୍ତମ ଦିନକୁ ବିଶ୍ରାମବାର କଲେ, ଯାହାର ଅର୍ଥ ହେଉଛି ଏକ ବିରତି ବା ବିରାମ ।
ଏହିପରି, ପ୍ରତ୍ୟେକ ସପ୍ତାହର ସପ୍ତମ ଦିନ ହେଉଛି “ବିରତି ବା ବିରାମ” ବଟନ୍ ଦବାଇବା ପାଇଁ ଏକ ବିଶେଷ ଦିନ । ଆମେ ତାଙ୍କୁ ସ୍ମରଣ କରି ଉପାସନା କରିବା ପାଇଁ ଗୋଟିଏ ସାରା ଦିନ ନିମନ୍ତେ ଆମ କର୍ମ ଓ ଅଣ-ପବିତ୍ର କାର୍ଯ୍ୟରୁ ବିଶ୍ରାମ ନେବାର ଅଛି । 

ଯଦି ଆପଣଙ୍କର ମାଲିକ କିମ୍ବା ଆପଣଙ୍କ ପ୍ରଫେସର ଆପଣଙ୍କୁ ଅଧିକ ବିଶ୍ରାମ ନେବାକୁ ନିର୍ଦ୍ଦେଶ ଦିଅନ୍ତି ତେବେ ଏହା ଆଶ୍ଚର୍ଯ୍ୟଜନକ ବିଷୟ ହେବନି କି? ତଥାପି ଈଶ୍ୱର ଠିକ୍ ଏହି ଆଦେଶ ଦେଇଛନ୍ତି! ଈଶ୍ୱରଙ୍କ ଗୌରବ ହେଉ! ସେ ପ୍ରକୃତରେ ଦୟାଳୁ ଅଟନ୍ତି! 

ଈଶ୍ୱରଙ୍କ ଦିନକୁ ପବିତ୍ର ରଖିବା

ବିଶ୍ରାମ ଦିନ ବିଶ୍ଵର ସମସ୍ତ ଲୋକଙ୍କ ପାଇଁ ଏକ ପବିତ୍ର ଦିନ । ବହୁ ପୂର୍ବରୁ ଏକେଶ୍ୱରବାଦୀ ବିଶ୍ୱାସୀମାନଙ୍କ ଦ୍ୱାରା ଏକ ପ୍ରକୃତ ସୃଷ୍ଟିକର୍ତ୍ତା ଈଶ୍ୱରଙ୍କ ବିଶ୍ରାମବାର ପାଳନ କରାଯାଇଥିଲା, ଯିହୁଦୀ, ଖ୍ରୀଷ୍ଟିଆନ, ମୁସଲମାନ, ବୌଦ୍ଧ କିମ୍ବା ହିନ୍ଦୁ ବିଶ୍ୱାସୀମାନଙ୍କର ଅସ୍ତିତ୍ୱ ପୂର୍ବରୁ ମଧ୍ୟ ହୋଇଥିଲା । ବାସ୍ତବରେ, ଯେତେବେଳେ ପୃଥିବୀ ସୃଷ୍ଟି ହେଲା, ଏହା ସମସ୍ତ ମାନବଜାତିକୁ ଦିଆଯାଇଥିଲା ।
ଆଦମ ଓ ହବା (ହାୱା ନାମରେ ମଧ୍ୟ ଜଣାଶୁଣା) ବିଶ୍ରାମବାର ପାଳନ କରିଥିଲେ, ଏବଂ ଈଶ୍ୱର ଆମକୁ ଯାହା ମନେ ରଖିବାକୁ କହିଥିଲେ ତାହା ଭୁଲିଯିବା ପାଇଁ ଆମକୁ କେବେ ବି ଅନୁମତି ଦେଇ ନାହାଁନ୍ତି । 

ଦୁର୍ଭାଗ୍ୟବଶତଃ, ବିଶ୍ରାମବାରକୁ ପ୍ରାୟତଃ ଭୁଲି ଯାଇଛନ୍ତି । ଭବିଷ୍ୟ‌ଦ୍‌ବକ୍ତାମାନେ ପ୍ରାଚୀନ ଇହୁଦୀମାନଙ୍କୁ ଚେତାବନୀ ଦେଇଛନ୍ତି ଯେ ଯଦି ସେମାନେ ବିଶ୍ରାମବାରକୁ ଭୁଲିଯାଆନ୍ତି ତେବେ ଈଶ୍ୱର ସେମାନଙ୍କ ଉପରେ ବିନାଶ ଆଣିବେ । ସେମାନେ ଏହି ଚେତାବନୀକୁ ଗ୍ରହଣ କଲେ ନାହିଁ, ତେଣୁ ଯିରୂଶାଲମ ଧ୍ୱଂସ ହେଲା, ଏବଂ ସେମାନଙ୍କ ପରିବାରକୁ ବନ୍ଧକ ରୂପେ ନିଆଯାଇଥିଲା । ଖ୍ରୀଷ୍ଟିଆନମାନେ ମଧ୍ୟ ଈଶ୍ୱରଙ୍କ ଆଜ୍ଞା ବିରୋଧ କରି ନିଜର ପବିତ୍ର ଦିନକୁ ରବିବାରରେ ପରିବର୍ତ୍ତନ କରି ବିଶ୍ରାମବାରକୁ ଭୁଲିଗଲେ । ମୁସଲମାନମାନେ ଶୁକ୍ରବାର ଦିନ ପ୍ରାର୍ଥନା କରନ୍ତି କିନ୍ତୁ ଭୁଲିଯାଇଛନ୍ତି ଯେ ସୃଷ୍ଟିକର୍ତ୍ତାଙ୍କ ସମ୍ପୂର୍ଣ୍ଣ ଆଜ୍ଞାରେ ବଞ୍ଚିବା ପାଇଁ ଆମକୁ ସପ୍ତମ ଦିନରେ ବିଶ୍ରାମ କରିବାକୁ ପଡିବ । 

କାହିଁକି ଆମ ସମଗ୍ର ବିଶ୍ୱ ଏହି ଗୁରୁତ୍ୱପୂର୍ଣ୍ଣ ଦିନକୁ ଭୁଲିଯାଉଛି ପରି ଲାଗୁଛି? ଏହି ବ୍ୟାପକ ଭୁଲିଯିବାର ଅଧିକ ମନ୍ଦ କାରଣ ଅଛି କି?

ଯୀଶୁ ମଶୀହ (ଇସା ଅଲ-ମାସିହ ମଧ୍ୟ କୁହାଯାଏ) ଆମକୁ ଏକ ଆଗାମୀ ବିଶ୍ୱବ୍ୟାପୀ ଶକ୍ତି ବିଷୟରେ ଚେତାବନୀ ଦେଇଥିଲେ ଯାହା ଶୟତାନ (ସୈତାନ) ଆମର ସୃଷ୍ଟିକର୍ତ୍ତାଙ୍କଠାରୁ ଆମ ମନକୁ ବିମୁଖ କରିବା ପାଇଁ ବ୍ୟବହାର କରିବ। ଗୋଟିଏ ମିଥ୍ୟା ବିଶ୍ରାମବାର ଉପରେ ଉପାସନା କରି ଲକ୍ଷ ଲକ୍ଷ ଲୋକ ଭ୍ରାନ୍ତ ହେବେ ।
ଯଦି ଶୟତାନ ଆମକୁ ସୃଷ୍ଟିକର୍ତ୍ତାଙ୍କ ଦିନ ଭୁଲିଯିବାକୁ ପାଇପାରେ, ସେ ଆଶା କରେ ଯେ ଆମେ ନିଜ ସୃଷ୍ଟିକର୍ତ୍ତାଙ୍କୁ ଭୁଲିଯିବୁ । ତଥାପି, ଯେତେବେଳେ ଆମେ ପ୍ରକୃତ ବିଶ୍ରାମବାର ପାଳନ କରୁ, ଆମେ ଆମର ସୃଷ୍ଟିକର୍ତ୍ତାଙ୍କ ପ୍ରତି ଆମର ବିଶ୍ୱସ୍ତତା ଦେଖାଇଥାଉ ଏବଂ ବିଶ୍ରାମ, ଆରାମ ଏବଂ ଶାନ୍ତିର ଉପହାର ଉପଭୋଗ କରିଥାଉ ।

ଈଶ୍ୱରଙ୍କ ବିଶ୍ରାମବାରରେ ପ୍ରବେଶ କରିବା

ଭବିଷ୍ୟ‌ଦ୍‌ବକ୍ତା ମୋଶା ଲେଖିଛନ୍ତି ଯେ “ପ୍ରଭୁ ସପ୍ତମ ଦିନକୁ ଆଶୀର୍ବାଦ କଲେ” (ଆଦିପୁସ୍ତକ ୨:୩) । ଆପଣ କ୍ଳାନ୍ତ ଓ ଚିନ୍ତାଗ୍ରସ୍ତ ହୋଇଯାଇଛନ୍ତି କି? ବିଶ୍ରାମବାର ବା ସାବାଥ୍ ପାଳିବାରେ ଆଶୀର୍ବାଦ ଅଛି! 

ଇଣ୍ଡୋନେସିଆର ବିଜ୍ଞାପନ ଲେଖକ ମିତା ଦୁରାନ୍ ଅତ୍ୟଧିକ ପରିଶ୍ରମ ଯୋଗୁଁ ମୃତ୍ୟୁବରଣ କରିଥିଲେ—କିନ୍ତୁ ଆପଣଙ୍କୁ ଏହା କରିବାକୁ ପଡ଼ିବ ନାହିଁ । ପରମେଶ୍ୱର ପ୍ରତି ସପ୍ତାହରେ ତୁମର ପରିଶ୍ରମରୁ ବିଶ୍ରାମ ନେବାକୁ ଏବଂ ବିଶ୍ରାମବାରର ଆଶୀର୍ବାଦରୁ ଅନୁଭୂତି ପାଇବା ପାଇଁ ତୁମକୁ ନିମନ୍ତ୍ରଣ କରନ୍ତି । 

 ଯଦି ଈଶ୍ୱର ଆମକୁ କିପରି ବିଶ୍ରାମ, ଶାନ୍ତି ଏବଂ ଆରୋଗ୍ୟ ପ୍ରଦାନ କରନ୍ତି ସେ ବିଷୟରେ ଯଦି ଆପଣ ଅଧିକ ଜାଣିବାକୁ ଚାହାଁନ୍ତି, ଦୟାକରି ଏହି କାଗଜର ପଛପଟେ ଥିବା ସୂଚନାରେ ଆମ ସହିତ ଯୋଗାଯୋଗ କରନ୍ତୁ ।