ଏକ ପ୍ରବାସୀ ହେବା ପାଇଁ ନିମନ୍ତ୍ରଣ

ଅବଦୁଲ-ମଲେକ ଜଣେ କ୍ଳାନ୍ତ ବୃଦ୍ଧ ବ୍ୟକ୍ତି ଥିଲେ । ତାଙ୍କର ପତ୍ନୀ ଓ ପିଲାମାନଙ୍କୁ ହରାଇବା ପରେ ସେ ISIS ଠାରୁ ରକ୍ଷା ପାଇବା ପାଇଁ ଇରାକ ଛାଡ଼ି ପଳାଇଥିଲେ । ବର୍ତ୍ତମାନ ଶରଣାର୍ଥୀ ଭାବରେ ସେ ଯର୍ଦ୍ଦନରେ ଏକା ବାସ କଲେ ।

କିନ୍ତୁ ଆଶାର କିରଣ ଦେଖାଦେଇଥିଲା । ତାଙ୍କର କାନାଡାରେ ରହୁଥିବା ଜଣେ ସମ୍ପର୍କୀୟ ଭାଇ ଥିଲେ ଯିଏ ତାଙ୍କୁ ଚାକିରୀ ପାଇବାରେ ସାହାଯ୍ୟ କରିବାକୁ ପ୍ରସ୍ତାବ ଦେଇଥିଲେ । ଏଥିରେ ଆନନ୍ଦିତ ହୋଇ ସେ ଭିସା ପାଇଁ ଆବେଦନ କଲେ ଏବଂ ଏକ ସହଜ ଜୀବନର ସ୍ୱପ୍ନ ଦେଖିବା ଆରମ୍ଭ କଲେ । ଶେଷରେ, ଅନେକ ବର୍ଷ ଅପେକ୍ଷା କରିବା ପରେ ତାଙ୍କୁ କାନାଡ଼ାରେ ପ୍ରବେଶ ପାଇଁ ଅନୁମତି ମିଳିଥିଲା । ଅବ୍ଦୁଲ୍-ମଲେକ୍ ଆନନ୍ଦରେ ବିଭୋର ହୋଇଗଲେ!

କିନ୍ତୁ ତାଙ୍କର ଆନନ୍ଦ ଅଳ୍ପ ଦିନ ପାଇଁ ଥିଲା । କାନାଡାରେ ପହଞ୍ଚିବା ପରେ ସେ ଅନୁସନ୍ଧାନ କଲେ ଯେ ଏଠାରେ ପ୍ରବାସୀ ଜୀବନ ସହଜ ନୁହେଁ । ତାଙ୍କର ଏହି କାମ ତାଙ୍କୁ ସାରା ଦିନ ନିଜ ପାଦରେ ବାନ୍ଧି ରଖିଥିଲା । ତାଙ୍କ ପଡ଼ୋଶୀମାନେ ଉଚ୍ଚ ସ୍ୱରରେ ପାଟି କରୁଥିଲେ । ସାର୍ବଜନୀନ ପରିବହନକୁ ବୁଝିବା ସହଜ ନଥିଲା—ଏବଂ ଇଂରାଜୀ ଭାଷା ମଧ୍ୟ ବୁଝିବା ସହଜ ନଥିଲା! 

ଅବଦୁଲ-ମାଲେକ ସବୁବେଳେ ଭଲ ସ୍ଥାନକୁ ଯିବାର ସ୍ୱପ୍ନ ଦେଖୀଥିଲେ, କିନ୍ତୁ ଥରେ ପହଞ୍ଚିବା ପରେ ସେ ଦେଖିଲେ ଯେ ତାଙ୍କ ହୃଦୟ ଏବେ ବି ବେଦନାରେ ଛଟପଟ ହେଉଛି । ସେ ଚିନ୍ତା କରିବାକୁ ଲାଗିଲେ ଯେ ପୃଥିବୀର କୌଣସି ସ୍ଥାନ ଦ୍ୱାରା ସେ ଅନୁଭବ କରିଥିବା ଇଚ୍ଛା ପୂରଣ ହୋଇପାରିବ କି ନାହିଁ—କିମ୍ବା ଯଦି ତାଙ୍କୁ ସ୍ୱର୍ଗକୁ ଯିବା ପର୍ଯ୍ୟନ୍ତ ଅପେକ୍ଷା କରିବାକୁ ପଡ଼ିବ!

ସ୍ୱର୍ଗରେ ପ୍ରବାସ

ଆପଣ କେବେ ଅବଦୁଲ-ମଲେକଙ୍କ ପରି ଅନୁଭବ କରିଛନ୍ତି କି? ଉତ୍ତମ ସ୍ଥାନ ପାଇବାର ଏହି ଇଚ୍ଛା ମଣିଷର ହୃଦୟରେ ରହିଛି ଏବଂ ଏହା କେବଳ ଆମର ପ୍ରକୃତ ଘର ସ୍ୱର୍ଗରେ ପ୍ରବେଶ କରିବା ଦ୍ୱାରା ହିଁ ପୂରଣ ହୋଇପାରିବ ।ଆଉ ଏହା ଏମିତି ଏକ ଇଚ୍ଛା ଯାହା ଖୁବ୍ ଶୀଘ୍ର ପୂରଣ ହେବ! ଆମ ଆଖି ଆଗରେ ଘଟୁଛି ଶେଷ ସମୟର ଲକ୍ଷଣଗୁଡିକ, ଏ ପୃଥିବୀ ଶୀଘ୍ର ଶେଷ ହେବାକୁ ଯାଉଛି ।

ଶହ ଶହ ବର୍ଷ ଧରି, ଇହୁଦୀ, ଖ୍ରୀଷ୍ଟିଆନ ଏବଂ ମୁସଲମାନମାନଙ୍କର ଧର୍ମ ପୁସ୍ତକଗୁଡିକର ସବୁ ପ୍ରଳୟର ଭବିଷ୍ୟବାଣୀ କରିଥିଲା—ଯେତେବେଳେ ଆମେ ଏହି ଜଗତରୁ ପରବର୍ତ୍ତୀ ଜଗତକୁ “ସ୍ଥାନାନ୍ତର” କରିବା, ଏହା ତାହାର ଶେଷ ଘଟଣା ଅଟେ । ସମସ୍ତ ତିନୋଟି ବିଶ୍ୱାସ ଏକ ତ୍ରାଣକର୍ତ୍ତା ବା ମଶୀହ-ରୂପରେଖକୁ ସୂଚିତ କରେ ଯିଏ ଏହି ଅନ୍ତିମ ଘଟଣାଗୁଡ଼ିକର ସମାପ୍ତି ପାଇଁ ଦାୟୀ ରହିବେ ।    

କୌତୁହଳର ବିଷୟ, ଖ୍ରୀଷ୍ଟିଆନ ଏବଂ ଇସଲାମର ଏହି ତ୍ରାଣକର୍ତ୍ତା-ରୂପ ଯୀଶୁ ଖ୍ରୀଷ୍ଟଙ୍କ ବ୍ୟତୀତ ଅନ୍ୟ କେହି ନୁହଁନ୍ତି, ଯିଏକି ଇସା ଅଲ-ମସିହ ନାମରେ ମଧ୍ୟ ଜଣାଶୁଣା ।ସେ ଯେତେବେଳେ ପାଲେଷ୍ଟାଇନରେ ରହୁଥିଲେ ସେତେବେଳେ ସେ ହିଁ ମସୀହ ବା ତ୍ରାଣକର୍ତ୍ତା ଥିଲେ, କିନ୍ତୁ ସେ ଗତ ୨୦୦୦ ବର୍ଷ ହେବ ସ୍ୱର୍ଗରେ ରହୁଛନ୍ତି । ଶେଷରେ ସେ ଅନ୍ତିମ ବିଚାର ଦିନରେ ଫେରିବେ । 

ଯୀଶୁ ଖ୍ରୀଷ୍ଟଙ୍କ ଆଗମନ ବାଇବଲରେ ପ୍ରସିଦ୍ଧ ଭାବରେ ଉଲ୍ଲେଖ କରାଯାଇଛି, କିନ୍ତୁ ମୁସଲମାନମାନେ ବିଶ୍ୱାସ କରନ୍ତି ଯେ ସେ ମଧ୍ୟ ପୁନର୍ବାର ଆସୁଛନ୍ତି, କାରଣ ଏହା କୁରାନରେ ଲେଖା ଅଛି: “ଏବଂ ସେ [ଯୀଶୁ ଖ୍ରୀଷ୍ଟ] ନିଶ୍ଚିତ ଭାବରେ (ବିଚାର) ସମୟ ଆସିବାର ଏକ ସଙ୍କେତ ହେବେ, ତେଣୁ ସମୟ ବିଷୟରେ ସନ୍ଦେହ କର ନାହିଁ କିନ୍ତୁ ମୋତେ ଅନୁସରଣ କର: ଏହା ହେଉଛି ସିଧା ରାସ୍ତା” (ଆଜ-ଜୁଖରୁଫ ୪୩:୬୧)

ଯେପରି ଜଣେ ଇମିଗ୍ରେସନ ଅଧିକାରୀ କିପରି ଭିସା ହାସଲ କରିବେ ସେ ସମ୍ବନ୍ଧରେ ଗୁରୁତ୍ୱପୂର୍ଣ୍ଣ ମାର୍ଗଦର୍ଶନ ଦିଅନ୍ତି, ଯୀଶୁ ଖ୍ରୀଷ୍ଟ ଆମକୁ ତାଙ୍କ ସଙ୍କେତ ପ୍ରତି ଧ୍ୟାନ ଦେବାକୁ ନିମନ୍ତ୍ରଣ କରନ୍ତି ଯାହା ଫଳରେ ଆମେ ସ୍ୱର୍ଗକୁ ସିଧା ରାସ୍ତା ଜାଣିବା । 

ଯୀଶୁ ସ୍ୱର୍ଗ କିପରି ବୋଲି କହିଥିଲେ?

ଇଞ୍ଜିଲ ନାମରେ ମଧ୍ୟ ଜଣାଶୁଣା ସୁସମାଚାର ରେକର୍ଡ କରିଛି ଯେ ଯୀଶୁ ଖ୍ରୀଷ୍ଟ କହିଛନ୍ତି, “ମୁଁ ତୁମ୍ଭମାନଙ୍କ ନିମନ୍ତେ ଏକ ସ୍ଥାନ ପ୍ରସ୍ତୁତ କରିବାକୁ ଯାଉଅଛି; ପୁଣି, ମୁଁ ଯାଇ ତୁମ୍ଭମାନଙ୍କ ନିମନ୍ତେ ସ୍ଥାନ ପ୍ରସ୍ତୁତ କଲେ ପୁନର୍ବାର ଆସିବି, ଆଉ ମୁଁ ଯେଉଁ ସ୍ଥାନରେ ଥାଏ, ତୁମ୍ଭେମାନେ ମଧ୍ୟ ଯେପରି ସେହି ସ୍ଥାନରେ ରହିବ, ସେଥିନିମନ୍ତେ ତୁମ୍ଭମାନଙ୍କୁ ଆପଣା ନିକଟକୁ ଘେନିଯିବି ।” (ସୁସମାଚାର, ଯୋହନ ୧୪: ୨-୩) ଯୀଶୁ ଖ୍ରୀଷ୍ଟ କହିଛନ୍ତି ଯେ ସେ ଆମକୁ ସ୍ୱର୍ଗକୁ ନେଇପାରିବେ! 

ସେ ସେହି ସ୍ଥାନର କିଛି ସୁନ୍ଦର ଝଲକ ମଧ୍ୟ ପ୍ରକାଶ କରିଥିଲେ । ସେ କହିଲେ ଯେ

• ମୃତ୍ୟୁ ଆଉ ଘଟିବ ନାହିଁ; ଶୋକ କି କ୍ରନ୍ଦନ କି ବ୍ୟଥା ଆଉ ହେବ ନାହିଁ (ପ୍ରକାଶିତ ବାକ୍ୟ ୨୧:୪)।

• ଆମର ସୁନ୍ଦର ଘର ହେବ (ଯୋହନ ୧୪:୨)।

• ଉଭୟ ପୁରୁଷ ଓ ସ୍ତ୍ରୀ ସମାନ ଗୌରବର ଅଧିକାର ପାଇବେ (ଗାଲାତୀୟ ୩:୨୮)।

• ଏହା ଆଲୋକ, ଧାର୍ମିକତା ଏବଂ ସୁଖରେ ପରିପୂର୍ଣ୍ଣ (ପ୍ରକାଶିତ ବାକ୍ୟ ୨୧: ୨୧-୨୫)।

ପ୍ରକୃତରେ, ଏହା ହେଉଛି ସେହି ସ୍ଥାନ ଯାହା ପାଇଁ ଆମର ହୃଦୟ ଇଚ୍ଛା କରେ!  

ଯୀଶୁ ଖ୍ରୀଷ୍ଟ କାହିଁକି ଦ୍ୱିତୀୟ ଥର ଆସିବେ

କିନ୍ତୁ ଈଶ୍ୱର ଅନେକ ଭବିଷ୍ୟ‌ଦ୍‌ବକ୍ତା ଓ ପବିତ୍ର ଦୂତମାନଙ୍କୁ ପଠାଇଛନ୍ତି । ଯୀଶୁ ଖ୍ରୀଷ୍ଟ ଦ୍ୱିତୀୟ ଥର ଆସିବା ପାଇଁ କାହିଁକି ମନୋନୀତ ହୋଇଛନ୍ତି? ପ୍ରବାସୀ ହେବାର ସମାନ ଦୃଷ୍ଟାନ୍ତ ସହିତ ଏହି ପ୍ରଶ୍ନର ଉତ୍ତର ଦେବା ସହଜ ଅଟେ । କାରଣ ଭିସା ପାଇବା ଏତେ ସହଜ ନୁହେଁ, ଅନେକ ଲୋକ ଗୋଟିଏ ଇମିଗ୍ରେସନ ଓକିଲଙ୍କୁ ନିୟୁକ୍ତି ଦିଅନ୍ତି, ଯିଏ କି ଏହି ବିଷୟରେ ଜାଣନ୍ତି । ଯଦି ଆମର ଏକ ପଥ ପ୍ରଦର୍ଶକ ଅଛନ୍ତି, ତେବେ ଆମକୁ ସାହାଯ୍ୟ କରିବାକୁ ଆମେ ତାଙ୍କୁ ବିଶ୍ୱାସ କରିପାରିବା ।

ସେହିଭଳି, ଯୀଶୁ ଖ୍ରୀଷ୍ଟ ହେଉଛନ୍ତି ଏକମାତ୍ର ଯିଏ ଦ୍ୱିତୀୟ ଥର ଦେଖା ଦେବେ, କାରଣ ସେ ସ୍ୱର୍ଗକୁ ଯିବା ପଥ ଜାଣନ୍ତି ଏବଂ ଆମକୁ ସେଠାକୁ ନେଇପାରିବେ । ସେ ନିଜେ ଦାବି କରିଛନ୍ତି, “ମୁଁ ସେହି ପଥ, ସତ୍ୟ ଓ ଜୀବନ ।” (ଯୋହନ ୧୪:୬)

ଈଶ୍ୱରଙ୍କ ଦ୍ୱାରା ପ୍ରେରିତ ପ୍ରତ୍ୟେକ ଭବିଷ୍ୟ‌ଦ୍‌ବକ୍ତା ଓ ବାର୍ତ୍ତା ବାହକ ଭୁଲ୍ କରିଥିଲେ ଆଉ ସେମାନଙ୍କୁ କ୍ଷମା ମାଗିବାକୁ ପଡିଥିଲା । କିନ୍ତୁ ଯୀଶୁ ଖ୍ରୀଷ୍ଟ ପାପ କରି ନ ଥିଲେ । ସେ ପୃଥିବୀରେ ବାସ କରୁଥିବା 33 ବର୍ଷ ମଧ୍ୟରେ ନିଷ୍ପାପ ଥିଲେ । ଏହି କାରଣରୁ ତାଙ୍କୁ ତୁରନ୍ତ ସ୍ୱର୍ଗକୁ ନିଆଯାଇଥିଲା । 

ସ୍ୱର୍ଗରେ ପ୍ରବେଶ ପାଇଁ ଆବଶ୍ୟକତା କିପରି ପୂରଣ ହେବ, ଆମେ କେବଳ ଯୀଶୁ ଖ୍ରୀଷ୍ଟ ଯିଏ ଏକମାତ୍ର ନିଷ୍ପାପ, ତାଙ୍କଠାରୁ ଶିଖିବା ଆବଶ୍ୟକ । କେବଳ ଏହି ଉପାୟରେ ଆମେ ପ୍ରବେଶକୁ ସଂପୂର୍ଣ୍ଣ ସକାରାତ୍ମକ କରିପାରିବା । ଖୁସିର କଥା, ଆମେ ତାଙ୍କ ପୁସ୍ତକ ବାଇବଲରୁ ଶିଖିପାରିବା । 

ଯୀଶୁ ଖ୍ରୀଷ୍ଟଙ୍କ ଆଗମନ ପାଇଁ ପ୍ରସ୍ତୁତି

ଏହା ଉତ୍ସାହଜନକ ନୁହେଁ କି ଯେ ଏକ ଉତ୍ତମ ସ୍ଥାନକୁ ଆପଣଙ୍କର ପ୍ରବାସ ବିଷୟରେ ଆପଣ ନିଶ୍ଚିତ ହୋଇପାରିବେ? ଆପଣ ସ୍ୱର୍ଗରେ ଈଶ୍ୱରଙ୍କ ଗୌରବମୟ ରାଜ୍ୟର ନାଗରିକ ହେବାକୁ ନିମନ୍ତ୍ରିତ! ଯୀଶୁ ଖ୍ରୀଷ୍ଟ ଆମ ସମସ୍ତଙ୍କୁ ସେହି ସୁନ୍ଦର ସ୍ଥାନକୁ ନେବା ପାଇଁ ଶୀଘ୍ର ଆସିବେ ।

ଏହା କ’ଣ ସମ୍ଭବ ଯେ ଆପଣ ମଣିଷକୁ ଅନୁସରଣ କରୁଛନ୍ତି, ଯେଉଁମାନେ ନିଜେ ଜାଣନ୍ତି ନାହିଁ ସେହି ବିଚାର ଦିନରେ ସେମାନଙ୍କର କ’ଣ ହେବ? ଯୀଶୁ ଖ୍ରୀଷ୍ଟଙ୍କ ସହିତ, ଆପଣଙ୍କୁ ସନ୍ଦେହ କରିବାକୁ ପଡିବ ନାହିଁ । ଆପଣଙ୍କୁ ଯୀଶୁ ଖ୍ରୀଷ୍ଟଙ୍କ ସିଧା ପଥରେ ଆଗେଇ ନେବା ପାଇଁ ଈଶ୍ୱରଙ୍କୁ କୁହନ୍ତୁ । ଆପଣ ଏହିପରି ଏକ ନିବେଦନ କରିପାରିବେ:

ହେ ପ୍ରଭୁ, ମୋର ହୃଦୟ ଏକ ଭଲ ସ୍ଥାନ ପାଇଁ ଇଚ୍ଛା କରେ । ଦୟାକରି ମୋତେ ଓ ମୋର ପ୍ରିୟଜନଙ୍କୁ ଏହି ସଂସାରର କଷ୍ଟରୁ ଉଦ୍ଧାର କରନ୍ତୁ । ମୁଁ ବିଶ୍ୱାସ କରେ ସମୟ ଅତି ଅଳ୍ପ ଅଟେ । ଦୟାକରି ମୋତେ ମାର୍ଗଦର୍ଶନ
ଦିଅନ୍ତୁ ଯାହା ଦ୍ୱାରା ମୁଁ ମୋ ପାଇଁ ଆପଣ ପ୍ରସ୍ତୁତ କରିଥିବା ଚମତ୍କାର ସ୍ଥାନକୁ ପ୍ରବେଶ କରିପାରିବି । ଆମେନ୍ । 

ଯଦି ଆପଣ ସୁସମାଚାରର ଏକ ପ୍ରାମାଣିକ କପି ପାଇବାକୁ ଚାହାଁନ୍ତି, ଦୟାକରି ଏହି କାଗଜର ପଛପଟେ ଥିବା ସୂଚନାରେ ଆମ ସହିତ ଯୋଗାଯୋଗ କରନ୍ତୁ ।